Josh 8:4 - ÎVUKU RÎA ÛVORO MWARO

⁴ na akîmera atîrî, “Îîthitheni mwena ûrîa wîngî wa îtûûra rîa Ai na mûtikathiî kûraca narîo na mwîthîrwe mwîvarîrîtie kûrîtharîkîra.

Josh 8:4 Referencias Cruzadas

2Atha 7:12

Mûthamaki nîwaramûkire ûtukû na akîra ndungata ciake atîrî, “Nîngûmwîra ûrîa andû a Sîria mavangîte! Nîmaicî atî gûkû kûrî na yûra; kwoguo nîmatigîte kûrîa mambîte magema na makathiî kwîthitha na kûu mîgûndarî magîciria atî nîtûkuma îtûûrarî tûthiî tûgacarie irio, macoke matûnyite na manyite îtûûra.”

2Maû 13:13

Vîndî îo Jeroboamu nîwatûmîte athigari amwe ake makatharîkîre athigari a Juda na mwena wa vuva, nao athigari acio engî ake marî mwena wa mbere.

Mûvunjia 7:19

Ûûgî nîûtûmaga mûndû ûrî na ûmenyo agîa na vinya nyîngî gûkîra vinya wa atongoria îkûmi marî îtûûra.

Mûvunjia 9:16

Nwatî mbugaga atî nî kava ûûgî gûkîra vinya wana ethîrwa ûûgî wa mûthîni nîwiragwa na ciugo ciake itirûmagîrîrwa.

Ciîko 23:21

Nwatî ndûgetîkîre nîûndû nîkûrî na andû makîria ya mîrongo îna makwîthitha na mamweterere. O nîmarîkîtie kwîvîta atî matingîrîa kana manyue kîndû matambîte kûûraga Paûlo. Nîmevarîrîtie gwîka ûguo na nîkwa metererete îtua rîaku.”

Josh 8:16

Kwoguo andû onthe arîa maarî îtûûrarî nîmeetirwe vamwe nîguo mavinyûrie andû a Isiraeli. Na wa ûrîa maavinyûranagia na Joshua nwaguo maaracavagîrîria îtûûra rîa Ai.

Josh 8:3

Kwoguo Joshua nîwaûkîrire na akîîvarîria kûthiî Ai na athigari ake onthe. Nîwathuurire athigari arîa maarî njamba ngiri mîrongo îthatû (30,000) na nîwamatûmire mathiî ûtukû

Atir 20:29

Kwoguo Isiraeli nîmaaigire athigari amwe ao mathiûrûrûkîrîtie îtûûra rîa Gibea methithîte.

Atir 20:33

Rîrîa Aisiraeli maaûnganire vamwe kûu Baali-tamaru, arûme a Isiraeli arîa meethithîte mathiûrûrûkîrîtie îtûûra rîa Gibea nîmaaumîre wa rîmwe kuuma kûrîa meethithîte mwena wa îthûîro wa Gibea.

Atir 20:36

Vîndî îo andû a Benjamini nîmaamenyire atî maarî avoote. Andû a Isiraeli maacokire na vuva takwa makûûra nî andû a Benjamini nîûndû nîmeevokete arûme a Isiraeli arîa meethithîte mathiûrûrûkîrîtie Gibea.

Atir 9:25

Andû a Shekemu nîmaaigire andû amwe tûcûmbîrîrî twa irîma nîguo movere Abimeleki kuo. Nao nîmaacunire andû indo ciao arîa maavîtûkagîrîra njîrarî îo, na Abimeleki nîwaverwe ûvoro ûcio.

Atir 9:32

Kwoguo we mûrî na andû aku mûkathiî ûtukû na mwîthithe mîgûndarî.

1Sam 15:2

Ke arauga atî, nîakûveritha andû Amaleki, nîûndû wa ûrîa methe mao ma tene maareganire andû a Isiraeli rîrîa maaumaga Misiri.

1Sam 15:5

Nake Saûlo marî na arûme ake nîmaathiîre îtûûrarî rîa Amaleki na magîkara methithîte Kîamndarî.