Josh 8:29 - ÎVUKU RÎA ÛVORO MWARO

²⁹ Nîwacokire agîcuria mûthamaki wa Ai mûtî îgûrû na mûthamaki agîkara vo nginya kîvwaî. Na riûa rîkîthûa Joshua nîwathanire mwîrî wa mûthamaki ûcurûrue kuuma mûtî îgûrû. Naguo nîwaikirue kîvingorî gîa îtûûra. Nîmaacokire magîûkunîkîra na mathiga mengî mûno. Mathiga mau marî vo nginya ûmûnthî.

Josh 8:29 Referencias Cruzadas

2Sam 18:17

Nîmoocire kimba Kîam Abusalomu, magîgikia îrimarî îraca mûno rîarî kûu mûtitûrî, magîcoka makîûmbîrîra mathiga meengî mûno vo. Nao Aisiraeli onthe nîmaaûrire makîthiî kwao mîciî.

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Thaburi 107:40

nîwanyararire atongoria arîa maamavinyagîrîria, na agîtûma maûrûre werûrî kûndû gûtarî njîra.

Thaburi 110:5

Mwathani arî mwena waku wa ûrîo, rîrîa akaarakara nî akaavoota athamaki.

Johana 19:31

Vuva wa ûguo Ayahudi nîmaaûririe Pilato ametîkîrie maunange magûrû ma andû acio maambîtwe na vuvarî macurûrie mîîrî îo kuuma mîtharavarî. Maaûririe metîkîrue gwîka ûguo nîûndû mûthenya ûcio warî wa Jumaa, na thavatû îo yarî ya vata mûno. Matiendaga mîîrî îo îkare mîtharavarî mûthenya wa thavatû.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Josh 10:30

Ngai-Mûnene nîwavotithirie andû a Isiraeli kûvoota îtûûra rîa Libuna wa vamwe na mûthamaki warîo. Andû onthe arîa maarî îtûûrarî rîu nîmaaûragirwe na gûtirî mûndû watigarire. Nîmeekire mûthamaki wa Libuna wata ûrîa meekire mûthamaki wa Jeriko.

Josh 10:33

Mûthamaki Horamu wa Gezeri nîwaûkire gûtethia andû a Lakishi kûrûa. Nwatî Joshua nîwavootire mûthamaki Horamu na athigari ake a mbaara na akîmaûraga onthe. Gûtirî wana ûmwe watigarire arî mwoyo.

Josh 12:9

Joshua na andû a Isiraeli nîmaavootire athamaki a matûûra mama: Jeriko, Ai vakuvî na Betheli,

Josh 7:26

Nîmaacokire makîmwigîrîra mathiga mengî mûno na nîmatûûraga vo wana ûmûnthî. Kîu nîkîo gîatûmire vandû vau vetagwe Kîamnda Kîam Akori nginya ûmûnthî. Nake Ngai-Mûnene nîwathirirwe nî marakara.

Josh 8:23

tiga mûthamaki wa Ai. Anyitwa nîwavirirwe arî mwoyo kûrî Joshua.