Josh 8:14 - ÎVUKU RÎA ÛVORO MWARO

¹⁴ Rîrîa mûthamaki wa Ai oonire athigari a Joshua, nîwaûkîrire na îvenya kîraûko tene arî na athigari ake nîguo makarûe na athigari a Joshua. Mûthamaki wa Ai na andû ake nîmaathiîre merekerete Kîamndarî Kîam Jorodani nîguo makarûe na andû a Isiraeli wa varîa maarûîrîte mbere. Nwatî matiamenyaga atî kwarî na athigari engî a Isiraeli meethithîte vuva wa îtûûra.

Josh 8:14 Referencias Cruzadas

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Isaia 19:11

Atongoria a îtûûra rîa Zoani nî aritu mûno; ataari a mûthamaki wa Misiri mavecanaga mataaro ma ûrimû. Mangîvota atîa kwîra mûthamaki wa Misiri, atî o nî njiarwa cia andû arîa aûgî, njiarwa cia athamaki a tene atîa?

Isaia 19:13

Atongoria a Zoani nî aritu, na atongoria a Memufisi nîaveenie; magîrîrwe nî gûtongoria andû, nwatî nîmavîtithîtie vûrûri wa Misiri.

Danieli 4:31

Mbere ya mûthamaki arîkia ûrîa aaragia, mûgambo nîwaumire îgûrû ûkiuga atîrî, “Mûthamaki Nebukadinezarû, tathikîrîria ûrîa ngûkwîra! Rîu nînathengutia ûthamaki kûrî we.

Mathaayo 24:39

Nwatî o matiamenyaga ûrîa gwekîkaga nginya mûthenya ûrîa maaûrîîre manjîrî onthe. Ûguo nîguo gûkeethîrwa gwîkariî vîndî îrîa Mûrû wa Mûndû agaaûka.

Mathaayo 24:50

Mwathi wa ndungata îo agaacoka mûthenya ûrîa ndungata îo îtamwîrîgîrîrîte na îthaarî rîrîa yo îtaicî.

Gûco 1:1

Îvukuurî rîîrî nîkuo kûrî na mîario ya Musa îrîa aarîrie andû a Isiraeli vîndî îrîa maarî werûrî mwena wa îrathîro wa rûnjî rwa Jorodani. Maarî Kîamndarî Kîam Jorodani kwerekera Sufi, gatagatî ka îtûûra rîa Parani mwena ûmwe na matûûra ma Tofeli, Labani, Hozerothu na Dizahabu mwena ûcio wîngî.

Josh 8:13

Athigari onthe nîmaaigîtwe mevarîrîtie kûrûa, gîkundi kîrîa kînene kîrî mwena wa rûgûrû wa îtûûra rîa Ai, nao acio engî marî mwena wa îthûîro. Ûtukû ûcio Joshua aararire Kîamndarî.

Josh 8:15

Joshua na andû ake nîmaamaveneererie atî nîmavootwa na makîambîrîria gûcoka na vuva na makîûra merekerete werûrî.

Josh 8:16

Kwoguo andû onthe arîa maarî îtûûrarî nîmeetirwe vamwe nîguo mavinyûrie andû a Isiraeli. Na wa ûrîa maavinyûranagia na Joshua nwaguo maaracavagîrîria îtûûra rîa Ai.

Josh 8:5

Nie na athigari arîa tûrî nao tûgaakuvîvîria îtûûra. Na rîrîa andû a Ai magaaûka kûrûa natue, tûkaaûra wata ûrîa twekire mbere.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Atir 20:37

Arûme acio nîmaavinyûrire Gibea wa rîmwe makînyagania îtûûrarî rîu na makîûraga andû onthe arîa maarî kuo.