Josh 8:1 - ÎVUKU RÎA ÛVORO MWARO

¹ Ngai-Mûnene nîwerire Joshua atîrî, “Oca athigari onthe unûkie ûthiî Ai. Ndûkamake kana wîtigîre. Nîngûtûma ûvoote mûthamaki wa Ai na andû ake, îtûûra na vûrûri wake ûtuîke waku.

Josh 8:1 Referencias Cruzadas

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Jeremia 46:27

“Nwatî we Jakovu ndungata yakwa ndûgetigîre, mue andû a Isiraeli mûtikamake; nîûndû nîngakûvonokia nîrî kûraca, nîngavonokia njiarwa ciaku kuuma vûrûri ûrîa maathamîrue. Jakovu nîagaacoka mûciî avurûke na agîe na thayû, na gûtirî mûndû wanarî ûmwe ûkaamwîguithia guoya.

Jeremia 49:3

Mue andû a Heshiboni rîrani nîûndû îtûûra rîa Raba nîrîcûkangie! Mue andû a Raba cakayani! Îkîrani nguo cia macakaya, cakayani mûkîvinyûraga ava na varîa! Nîûndû ngai yenyu Milikomu nîîkûvirwa îthamîriorî, vamwe na athînjîri-Ngai ake na ndungata ciake.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Mathaayo 8:26

Nake Jesû nîwamaûririe atîrî, “Mue mûretigîra nîkî? Na kaî mue mûrî na wîtîkio mûnini-î!” Nake Jesû nîwacokire akîrûngama na akîatha rûkûngi na îria ivoorere. Nacio nîciavorere mûno.

Gûco 1:21

Taroriani, nîguo ûûrîa, thiîni mûkegwatîre guo wata ûrîa Ngai-Mûnene, Ngai wa methe menyu aamwîrire. Mûtigetigîre kana mûmake.’

Gûco 31:8

Ngai-Mûnene nîke ûkaamûtongoria na ndakaamûtiganîria. Ndakaamûrekereria na ndakaamûtiganîria; kwoguo mûtigetigîre kana mûrwe nî vinya.”

Gûco 7:18

Mûtikegue guoya nî o na mûririkane ûrîa Ngai-Mûnene, Ngai wenyu eekire mûthamaki wa Misiri na andû a kuo onthe.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 10:7

Kwoguo Joshua na athigari ake onthe a mbaara vamwe na athigari arîa maarî na vinya na njamba nîmaambîrîrie rûgendo kuuma Giligali.

Josh 10:8

Nake Ngai-Mûnene nîwerire Joshua atîrî, “Ndûkamakue nîo. Nie nîmûkûveu ûvootani. Gûtirî wana ûmwe wao ûgagwîtirîria.”

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 6:2

Nake Ngai-Mûnene nîwerire Joshua atîrî, “Rîu, Jeriko nîngûmîvecana kûrî mue, wana mûthamaki wakuo na athigari onthe arîa marî vinya a mbaara.

Josh 7:9

Andû a Kanaani na andû arîa engî onthe matûûraga gûkû makegua ûvoro ûcio. Nao mawîgua magatûthiûrûrûkîria na maûrage andû onthe etû natue nîtûkûriganîra gûkû nthî. Ngai-Mûnene ûgeka atîa nîguo ûgitîre ûnene wa rîîtwa rîaku?”