Josh 7:4 - ÎVUKU RÎA ÛVORO MWARO

⁴ Kwoguo athigari ngiri ithatû nîmaatharîkîre îtûûra rîa Ai. Nwatî andû a Ai nîmaarûire na athigari a Isiraeli na nîmaamakîririe vinya na athigari a Isiraeli makîûra.

Josh 7:4 Referencias Cruzadas

Thaburi 89:43

Nîûtûmîte indo ciake cionthe cia mbaara ituîka cia mana, nîûmûrekereretie avootwe arî mbaararî.

Isaia 30:17

Andû ngiri îmwe nîmakaaûra nî mûndû ûmwe, na andû atano nîmagaatûma muonthe mûre. Nginya rîrîa mûgatigwa mwîkariî ta mûtî wa vendera ûrî kîrîmarî, ta rûûri rûrî îgûrû rîa karîma!

Isaia 59:2

Nwatî mevia menyu nîmamwamûranîtie na Ngai wenyu. Nî mevia menyu matûmîte amwîthithîre nîguo ndakamwîgue mwamûvoya.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Josh 7:3

nîmacokerie Joshua ûvoro na makîmwîra atîrî: “Gûtirî na vata wa athigari onthe a mbaara mathiî makarûe na andû a Ai. Tûma athigari ngiri igîrî kana ithatû nîûndû tî îtûûra înene.”