Josh 7:25 - ÎVUKU RÎA ÛVORO MWARO

²⁵ Nake Joshua nîwamûririe atîrî, “Akani watûretere thîna wîgana ûû nîkî? Ngai-Mûnene nîagûkûretera thîna ûmûnthî.” Nao andû onthe a Isiraeli nîmaarivire Akani na mathiga na agîkua na makîriva ciana ciake na mathiga igîkua na makîmavîvia vamwe na indo ciake.

Josh 7:25 Referencias Cruzadas

Kîam 34:30

Jakovu nîwerire Simeoni na Lawi atîrî, “Mue nîmwandetera thîna. Nîûndû Akanaani, Aperizi na andû onthe a vûrûri ûyû nîmakûmena. Ndirî na arûme eengî, na kwoguo andû a gûkû mangînyitana vamwe na manthithûkîre nwa mambûrage vamwe na andû akwa.”

Kîam 38:24

Vuva wa mîeri îthatû Juda nîwerirwe atîrî, “Tamarû mûka wa mûvîcîguo ethîrîtwe akîvûra ûmaraa, na rîu arî îvu.” Juda nîwathanire akiuga atîrî, “Mûruteni nja ya îtûûra na mûmûvîvie.”

1Maû 2:7

Akari mûvîcî wa Karimi nîwatûmire andû a Isiraeli magîe na thîna nîûndû nîwatavire indo irîa ciamûrîrîtwe Ngai-Mûnene.

Nthi 1:19

Ûguo nîguo njîra cia acunani ciîkariî, maûragagwa nî indo irîa macunanîte.

Nthi 15:27

Andû arîa mendaga kûgîa ûtonga na njîra îtarî mbagîrîru matûmaga mîciî yao îgîe na thîna, nwatî andû arîa mathûrîte mavaki nî matûûraga îvinda îraca.

Alawi 20:14

Mûndûmûrûme angîkaavikia mwîrîtu na avikie ng'ina wa mwîrîtu ûcio, andû acio wa o athatû nîmakaavîvua makue, nîûndû wa ûndû ûcio mûcûku makethîrwa mekîte. Ûndû ta ûcio ndwagîrîrwe nî gwîkîka gatagatîrî kenyu.

Alawi 20:2

“Îra andû a Isiraeli, atî mûndû wa wonthe wa Isiraeli kana mûgeni wa wonthe mûtûûranagia nake angîkaavecana wanarî ûmwe wa ciana ciake kûrî Moleku, ngai ya mûvuanano, nîakaaûragwa na mathiga nî andû onthe.

Alawi 21:9

Mwîrîtu wa mûthînjîri-Ngai angîtuîka îraa, nîaconorithagia îthe; kwoguo mwîrîtu ûcio nî akaavîvua na mwaki nginya akue.

Alawi 24:14

“Ruta mûndû ûcio ûrumanire na kûu nja ya kûu mwambîte magema na andû onthe arîa megwire akîrumana maigîrîre njara ciao îgûrû rîa kîongo gîake nao andû onthe mamûûrage na mathiga.

Agal 5:12

Nwa mende andû acio maramwagagia mathiî na mbere nginya mekarambe o ene.

Gûco 13:10

Nîmûkaamûraga na mathiga nîûndû nîageretie kûmûgucîrîria mûtige kûgooca Ngai-Mûnene Ngai wenyu ûrîa wamûrutire vûrûrirî wa Misiri kûrîa mwarî ngombo.

Gûco 13:11

Andû onthe a Isiraeli nîmakegua ûrîa gwîkîkîte kûrî mûndû ûcio; nîmagetigîra na matigaacoka gwîka maûndû macûku ta mau rîngî.

Gûco 17:5

mûndû ûcio nîakaarutwa nja ya îtûûra na aûragwe na mathiga.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

2Ath 1:6

Ngai nîageka ûrîa kwagîrîre. Nîagaatûma arîa mamûthînagia mone mathîna,

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Josh 6:18

Mûtigakuue indo irîa ciagîrîrwe gûcûkangua, nîûndû mwaikuua nîmûkûrete thîna kûrîa andû a Isiraeli mambîte magema na mûtûme gûcûkangue.

Josh 7:15

Na mûndû ûrîa nake ûgaatuîka nîke wîvîtie, nîakaavîvua na mwaki vamwe na andû ake onthe, wana indo ciake cionthe. Akaavîvua nîûndû ke nîaunîte kîrîkanîro Kîam Ngai-Mûnene na nîatûmîte Isiraeli magîa na gîconoko kînene.”

1Sam 14:29

Nake Jonathani nîwaugire atîrî, “Kaî vava nîatûmîte andû onthe methîrwa marî na ruuo-î! Taroriani mwone ûrîa metho makwa matherete nîûndû wa kûrîa kaûûkî kanini!