Josh 7:2 - ÎVUKU RÎA ÛVORO MWARO

² Joshua nîwatûmire andû amwe makiuma Jeriko makîthiî Ai îtûûra rîrîa rîarî vakuvî na Bethiaveni mwena wa îrathîro wa Betheli. Joshua ameerire mathiî magatuîrie vûrûri ûcio. Na rîrîa andû acio maatuîririe vûrûri wa Ai,

Josh 7:2 Referencias Cruzadas

Kîam 12:8

Vuva wa ûguo Aburamu nîwathiîre irîmarî irîa irî mwena wa îrathîro wa Betheli, na akîamba îgema rîake gatagatî ka Betheli na Ai. Betheli yarî mwena wa îthûîro, nayo Ai mwena wa îrathîro. Nake Aburamu nîwatumîre Ngai-Mûnene metha ya kîgongoona vau na akîgooca Ngai-Mûnene arî vo.

Kîam 28:19

Nîwacokire agîtuîrîra vandû vau rîîtwa Betheli. (Nwatî îtûûra rîu mbere rîetagwa Luzi).

1Atha 12:29

Nîwaigire gacaû kamwe ka thaavu kûu Betheli, nako kau kengî agîkaiga kûu Dani.

Nehemia 11:31

Andû a mûvîrîga wa Benjamini wanao maatûûraga kuuma Geba kûthiî na mbere, Mikimashi, Aija, Betheli na icagi cia rîo,

Nthi 20:18

Caria ûtaaro nîguo mîvango yaku îtuîke mîaro, ndûkambîrîrie mbaara ûtavoete ûkûrû.

Nthi 24:6

Ûngîenda kûrûa mbaara, nwanginya ûgîe na mûvango mwaro, na wa ûrîa ûngîgîa na ataari eengî, nwaguo ûngîgîa na ûvûthû kûvootana.

Isaia 10:28

Nthû nîciaunûkirie kuuma Rimoni, na nînginyu îtûûrarî rîa Aiathi! Ivîtûkîrîrîte Migironi! Na cigîte mîrigo yacio Mikimashi!

Jeremia 49:3

Mue andû a Heshiboni rîrani nîûndû îtûûra rîa Raba nîrîcûkangie! Mue andû a Raba cakayani! Îkîrani nguo cia macakaya, cakayani mûkîvinyûraga ava na varîa! Nîûndû ngai yenyu Milikomu nîîkûvirwa îthamîriorî, vamwe na athînjîri-Ngai ake na ndungata ciake.

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Josh 12:9

Joshua na andû a Isiraeli nîmaavootire athamaki a matûûra mama: Jeriko, Ai vakuvî na Betheli,

Josh 18:12

Mwena wa rûgûrû mûvaka wa vûrûri wa mûvîrîga wa Benjamini wambîrîrîtie rûnjîrî rwa Jorodani. Nîwacokete ûkanyûrûrûkîra ciîkûrûkorî irîa irî na mwena wa rûgûrû wa Jeriko na agacoka ûkathiîrîra irîmarî na mwena wa îthûîro nginya werûrî wa Bethiaveni.

Josh 2:1

Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 7:3

nîmacokerie Joshua ûvoro na makîmwîra atîrî: “Gûtirî na vata wa athigari onthe a mbaara mathiî makarûe na andû a Ai. Tûma athigari ngiri igîrî kana ithatû nîûndû tî îtûûra înene.”

1Sam 13:5

Nao Afilisiti nîmaacokanîrîre vamwe na makîîvarîria nîguo marûe na Aisiraeli; o maarî na ngari ngiri mîrongo îthatû cia mbaara, arûme ngiri ithathatû arîa mathiîcaga matûîte mbarathi, na athigari eengî meengîvîte ta mûthanga ûrîa wîthagîrwa ûrî rûtererî rwa îria. O nîmaaunûkirie na makîamba magema mao mwena wa îrathîro wa Bethiaveni, kûu Mikimashi.

1Sam 14:23

Nao nîmaarûire mbaara îo na makîvîtûka Bethaveni. Nake Ngai-Mûnene nîwavonokirie andû a Isiraeli mûthenya ûcio.

1Sam 30:27

Nîwavecanire indo imwe kûrî andû a Betheli, kûrî andû a Ramothu arîa marî mwena wa îveti wa Juda, kûrî andû a Jatiru,