Josh 6:13 - ÎVUKU RÎA ÛVORO MWARO

¹³ Nao athînjîri-Ngai mûgwanja nîmoocire tûrumbeta mûgwanja twa mvîa cia ndûrûme na nîmaathiîre marî mbere ya îthandûkû rîa kîrîkanîro Kîam Ngai-Mûnene magîtûvuvaga. Andû marî indo cia mbaara nîmaathiîre mbere ya athînjîri-Ngai arîa maarî na tûrumbeta. Na vuva wa îthandûkû kwarî na engî marî na indo cia mbaara. Nao onthe nîmaathiûrûrûkire Jeriko tûrumbeta tûkîvuvagwa.

Josh 6:13 Referencias Cruzadas

1Maû 15:26

Nao nîmaarutire îgongoona rîa ndegwa mûgwanja na ndûrûme nîûndû Ngai nîwatethirie Alawi arîa maakuuire îthandûkû rîa kîrîkanîro Kîam Ngai-Mûnene.

Ndari 10:25

Mûthiiarî ikundi cia andû a mûvîrîga wa Dani, nîciambîrîrie rûgendo irûmîrîrîte vendera yao. Acio nîo maarî arangîri a ikundi cionthe mwena wa vuva. Mûtongoria wao aarî Ahiezeri mûvîcî wa Amishadai.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Josh 6:12

Mûthenya ûcio wîngî Joshua nîwaûkîrire kîraûko tene. Nao athînjîri-Ngai nîmoocire îthandûkû rîa kîrîkanîro Kîam Ngai-Mûnene.

Josh 6:14

Mûthenya ûcio wa kaîrî nîmaathiûrûrûkire îtûûra rîu rita rîmwe wata ûrîa mekîîte mûthenya wa mbere na magîcoka kûrîa maambîte magema. Nao nîmeekire ûguo îvinda rîa mîthenya îtandatû.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.

Josh 6:9

Nao andû arîa maarî na indo cia mbaara nîmaathiîre mbere ya athînjîri-Ngai arîa maavuvaga tûrumbeta. Na engî nîmaarûmîrîre îthandûkû rîa kîrîkanîro na vîndî îo tûrumbeta nwa twavuvagwa.