Josh 5:2 - ÎVUKU RÎA ÛVORO MWARO

² Ngai-Mûnene nîwacokire akîra Joshua atîrî, “Thondeka tûviû twa mathiga marîa maûmû mûno na ûruithie andû a Isiraeli.”

Josh 5:2 Referencias Cruzadas

Ntha 4:25

Nake Zipora mûka wa Musa nîwavinyûrire na agîoca kathiga kaavana ta kîenji na akîruithia mûvîcî, agîcoka akîvutia magûrû ma Musa na nyama îo aatinirie aruithia mûvîcî. Nîûndû wa mîtugo ya kîndûîre ya kûrua, Zipora nîwerire Musa atîrî, “Na ma we wî mûthuuri wakwa na njîra ya nthakame.”

Aroma 2:29

Mûyahudi wa ma nî ûrîa Mûyahudi ndaarî, nakuo kûrua kwa ma nî kûrua ngoro na njîra ya Roho na tî na njîra ya watho ûrîa mwandîke. Mûndû ta ûcio nîakumagua nî Ngai nwatî tî andû.

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

Gûco 10:16

Kwoguo kuuma rîu theriani ngoro cienyu mwîyamûrîre Ngai-Mûnene na mûtigatuîke aremi rîngî.

Gûco 30:6

Ngai-Mûnene, Ngai wenyu nîakaamûva, mue na njiarwa cienyu ngoro îrî na wathîki nîguo mûmwende na ngoro yonthe, na mûthiî na mbere gûtûûra îvinda îraca vûrûrirî ûcio.

Akol 2:11

Nîûndû wa kwîthîrwa mûrî ndaarî ya Kristû, nîmwarwithirue. Mûtiarwithua na njara cia andû, nwatî nî îrua rîrîa rîathondekirwe nî Kristû rîrîa rîatûtethûrire kuuma kûrî maavinya ma mîîrî yetû îrîa îvagia.

Josh 5:3

Kwoguo Joshua nîwekire ûrîa Ngai-Mûnene aamwathire, na nîwaruithirie andû a Isiraeli marî vandû vetagwa Gibeathi-haralothu.