Josh 5:14 - ÎVUKU RÎA ÛVORO MWARO

¹⁴ Mûndû ûcio nîwamûcokerie atîrî, “Naarî, nie nîrî mûnene wa athigari a mbaara a Ngai-Mûnene.” Joshua nîwegwîthirie agîturumithia ûthiû nthî amûgooce na akîmwîra atîrî, “Mwathi wakwa, nie nîrî ndungata yaku mbîra ûrîa ûkwenda mbîke.”

Josh 5:14 Referencias Cruzadas

Kîam 17:17

Iburahimu nîwenamîrîrie ûthiû wake ûkîvutia nthî, na akîambîrîria kûtheka akîîyûragia atîrî, “Mûndûmûrûme wa ûkûrû wa mîaka îgana nwa agîe mwana? Sara nwa agîe mwana arî na ûkûrû wa mîaka mîrongo kenda?”

Kîam 17:3

Aburamu nîwakuamîrîrie na agîturumithia ûthiû wake nthî. Nake Ngai nîwamwîrire atîrî,

2Sam 7:19

Nwatî wonete kau karî kaûndû kanini we Mwathani Ngai-Mûnene. Nîûthondekete ciîranîro îgûrû rîgiî njiarwa ciakwa mîaka mîîngî îgaaûka. Na nîwîtîkîrîte mone ûndû ûyû, we Mwathani Ngai-Mûnene!

2Sam 7:20

Nîngîkwîra rîngî atîa? We nîûmbicî nie ndungata yaku, we Mwathani Ngai-Mûnene!

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 24:10

Mûthamaki ûcio ûrî riiri nû? Nî Ngai-Mûnene, mwene vinya wonthe, ke nîke Mûthamaki ûrî riiri!

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Ntha 4:13

Nwatî Musa nîwacokirie atîrî, “We Mwathani wakwa, nîngûkûthaitha ûtûme mûndû wîngî.”

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Isaia 6:8

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

Ezek 3:23

Kwoguo nînaûkîrire na ngîthiî kûndû kûrîa kwarî kwaraganu. Nîrî kûu nînonire riiri wa Ngai-Mûnene ûrûngamîte mbere yakwa wata ûrîa noonete rûnjîrî rwa Kebari. Nînacokire ngîturumithia ûthiû wakwa nthî.

Danieli 10:13

Nwatî mûraika ûrîa ûgitagîra vûrûri wa Perisi nîwareganire nanie îvinda rîa mîthenya mîrongo îîrî na ûmwe. Nake Mikaeli, ûmwe wa araika arîa anene nîwaûkire kûndethia nîûndû natigîtwe tûrî na athamaki a Perisi.

Danieli 10:21

Nwatî nîngaakwîra ûrîa kwandîkîtwe îvukuurî rîa ûma. Ndirî na wa kûndethia kûrûa na nthû ino tiga Mikaeli, mûraika ûrîa ûmûgitagîra.

Danieli 12:1

“Mavinda mau, Mikaeli, mûraika mûnene ûrîa ûgitagîra andû aku nî akaaumîra. Nî gûkethîrwa na mavinda ma thîna nyîngî îtanonekana kuuma rîrîa kwagîîre na vûrûri wa Isiraeli. Rîrîa kavinda kau gagaakinya mûndû wa wonthe, ûrîa rîîtwa rîake rîkethîrwa rîrî îvukuurî rîa mwoyo nîakaavonokua.

Danieli 8:11

Karûvîa kau nîkendire gwîtua kanene gûkîra Mûnene wa ciûmbe icio cia îgûrû. Nîkaarûngamirie matega marîa mûnene wa ciûmbe cia îgûrû aarutagîrwa na gakîcûkangia hekarû yake.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Ndari 16:22

Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”

Ndari 16:45

“Thengutîra andû aya a Isiraeli nîguo nîmathirie wa rîu!” Nao oîrî nîmaaturumithirie mothiû mao nthî,

Ndari 22:31

Ngai-Mûnene nîwavotithirie Balaamu kwona mûraika wa Ngai-Mûnene arûngamîte vau mbere na arî na rûviû. Balaamu nîwacokire agîturumithia ûthiû wake nthî.

Mathaayo 22:44

‘Ngai-Mûnene nîwerire Mwathani wakwa atîrî, Îkara nthî mwena wakwa wa ûrîo, nginya rîrîa ngaatûma ûthige nthû ciaku na magûrû maku.’

Mathaayo 8:2

Mûndû warwarîte mûrimû mûcûku wa ngothi nîwathiîre kûrî ke, agîturia maru mbere yake na akîmwîra atîrî, “Mwathani ûngîenda, nwa ûntherie.”

Luka 1:43

Ûndû ûyû mûnene ûguo wekîka kûrî nie nîkî, atî ng'ina wa Mwathani wakwa aûke gwakwa kûngethia?

Luka 20:42

Daudi ke mwene augîte îvukuurî rîa thaburi atî, ‘Ngai-Mûnene nîwerire Mwathani wakwa atîrî: Îkara nthî mwena wakwa wa ûrîo,

Luka 5:12

Rîrîa Jesû aarî îtûûrarî rîmwe, mûndû ûmwe warwarîte mûrimû mûcûku wa ngothi nîwathiîre varîa Jesû aarî. Na vîndî îrîa mûndû ûcio oonire Jesû, nîwegwîthirie nthî mbere yake na akîmûthaitha atîrî, “Mwathani! Ûngîenda nwa ûntherie!”

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

Josh 20:1

Ngai-Mûnene nîwacokire akîra Joshua

Kûguû 12:7

Nakuo îgûrû nîgwacokire gûkîgîa na mbaara. Mikaeli na araika ake nîmaarûire na njûnamatu îrî vamwe na araika a yo.