Josh 4:7 - ÎVUKU RÎA ÛVORO MWARO

⁷ Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”

Josh 4:7 Referencias Cruzadas

Thaburi 111:4

Nîatûmîte maûndû make ma magegania maririkanagwe; Ngai-Mûnene nî mûtugi na arî ntha.

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 28:12

Ûnyitithanie mathiga mau ma goro na tûmîcivi twa gûcuria ituro twa efodi nîguo methagîrwe marûngamîrîrîte mîvîrîga îrîa îkûmi na îîrî ya Isiraeli. Aroni agaakuuaga marîîtwa mau na ituro ciake arî mbere ya Ngai-Mûnene nîguo Ngai-Mûnene amaririkanage.

Ntha 30:16

Ûkaaûngania mbeca icio kuuma kûrî andû a Isiraeli na ûivûthîre na wîra wa kûmenyerera îgema rîa Ngai-Mûnene. Îrîvi rîu nî rîa kûtheria mîoyo ya andû a Isiraeli nanie nîngaaririkana kûmagitîra.”

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 17:5

Mûragi wa mûndû ûrîa ngaathuura nîûkaauma mathangû. Ûguo nîguo ngaathiria mateta marîa andû a Isiraeli methagîrwa namo îgûrû rîaku.”

1Akor 11:24

agîcokia ngatho kûrî Ngai, akîwenyûranga na akiuga atîrî, “Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîûndû wa kûndirikanaga.”

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Josh 4:6

Mathiga mama nîmagaatuîka kîririkania kîenyu vîndî îrîa îgaaûka, rîrîa ciana cienyu ciamûria gîtûmi Kîammo.