Josh 4:23 - ÎVUKU RÎA ÛVORO MWARO

²³ Nîûndû Ngai-Mûnene, Ngai wenyu nîwatûmire manjî ma rûnjî rwa Jorodani matiga kûnyûrûrûka nginya rîrîa mwaringire. Ûguo nwaguo Ngai-Mûnene, Ngai wenyu eekire rîrîa aatûmire manjî ma Îria Îtune mamûkane na tûkîringîra nthî nyûmû.

Josh 4:23 Referencias Cruzadas

1Atha 8:43

nakûthaitha ûkaamûthikîrîria ûrî îgûrû kûrîa ûtûûraga na ûkaamûvingîria ûrîa agaakûûria, nîguo andû onthe a gûkû nthî makûmenye na makwathîkîre ta ûrîa andû aku a Isiraeli mekaga. Nîmagaacoka mamenye atî nyomba îno ndumîte îtanîtue na rîîtwa rîaku.

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:21

Musa nîwacokire akîambararia njara yake îgûrû rîa Îria. Nake Ngai-Mûnene nîwatûmire manjî ma îria macokue na vuva nî rûkûngi rûnene rûrîa rûvurutanaga rumîte mwena wa îrathîro. Naruo rûkûngi rûu rwavurutanire ûtukû wonthe na rûgîtûma îria rîtuîke nthî nyûmû. Manjî nîmaagaûkanire.

Ntha 15:19

Vîndî îrîa ngari cia mbarathi cia andû a Misiri, mbarathi ciacio na arîa maitwaraga ciakinyire îriarî, Ngai-Mûnene nîwatûmire manjî macokanîrîre magîkunîkîrwa nîmo. Nwatî andû a Isiraeli maavîtûkîrîre nthî nyûmû gatagatî ka îria.

Isaia 43:16

Ngai-Mûnene arauga atîrî, “Nînarûthire njîra îriarî, na ngîrûtha gacîra manjîrî meengî,