Josh 4:19 - ÎVUKU RÎA ÛVORO MWARO

¹⁹ Andû a Isiraeli maaringire Jorodani mûthenya wa îkûmi wa mweri wa mbere. Nao nîmaambire magema mao Giligali mûvakarî wa Jeriko mwena wa îrathîro.

Josh 4:19 Referencias Cruzadas

2Atha 2:1

Vîndî îrîa kavinda gaakinyire ka Ngai-Mûnene kûvira Elija îgûrû na rûkûngi rûnene rwavurutanaga na vinya, Elija na Elisha maarî rûgendorî maumîte Giligali.

Amosi 4:4

Ngai-Mûnene arauga atîrî, “Andû a Isiraeli thiîni Betheli mûkevie na mûthiî Giligali mwîvie mûno. Viragani magongoona menyu wa kîraûko na mûvirage gîcunjî gîa îkûmi vuva wa mîthenya îthatû.

Amosi 5:5

Mûtikaathiî Beeri-shiba kûgooca. Mûtikanjarie kûu Betheli nîûndû Betheli nîgaacûkangua kana mûthiî Giligali nîûndû nwanginya mathiî îthamîriorî.”

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Gûco 1:3

Mûthenya wa mbere mweri wa îkûmi na ûmwe mwaka wa mîrongo îna kuuma andû a Isiraeli mauma Misiri, Musa nîwerire andû a Isiraeli maûndû monthe marîa Ngai-Mûnene aamwathîte ameere.

Gûco 11:30

Irîma icio cioîrî irî mwena wa îthûîro wa rûnjî rwa Jorodani vûrûrirî wa andû a Kanaani arîa matûûraga Kîamndarî Kîam Jorodani. Irîma icio irî vakuvî na mîtî ya mîvuru îrîa mîamûre ya More kûrigania na îtûûra rîa Giligali.

Josh 10:43

Vuva wa ûguo Joshua na athigari ake a mbaara nîmaacokire Giligali kûrîa maambîte magema mao.

Josh 10:6

Nao andû a Gibeoni nîmaatûmanire kûrî Joshua arî Giligali kûrîa maambîte magema na makîmwîra atîrî, “Mwathi wetû ndûgatûtiganîrie! Tûtethie na ûtûvonokie nîûndû athamaki onthe a Amori arîa matûûraga vûrûrirî ûrîa ûrî irîma nîmanyitanîrîte na nîmatûtharîkîrîte!”

Josh 15:7

Mûvaka wa ûcio wa mwena wa rûgûrû nîwavîtûkîrîte Kîamndarî Kîam Akori na ûgakinya Debiri. Nîwacokete ûkegata ûkathiî nginya Giligali. Giligali iroranîtie na mwanya wa Adumimu ûrîa ûrî mwena wa îveti wa Kîamnda. Nîwacokete ûkathiî nginya ithimarî cia Enishemeshi na ûkîrîkîra Enirogeli.

Josh 24:11

Nîmwaringire rûnjî rwa Jorodani na mûgîkinya Jeriko. Nao andû a Jeriko na Amori, Aperizi, Akanaani, Ahiti, Agirigashi, Ahivi na Ajebusi nîmaarûire namue. Nwatî nînaamûvotithirie kûmavoota onthe.

Josh 4:18

Nao athînjîri-Ngai makuuîte îthandûkû rîa kîrîkanîro Kîam Ngai-Mûnene nîmaaumire rûnjîrî gatagatî. Na rîrîa maakinyire nguvarî ya rûnjî, manjî nîmaambîrîrie kûnyûrûrûka rîngî. Naruo rûnjî nîrwecûrire na rûkiuna rîngî wata ûrîa rwekariî mbere ya maringa.

Josh 5:10

Andû a Isiraeli nîmeekarire Giligali werûrî vandû varaganu vakuvî na Jeriko varîa maambîte magema. Na kîvwaî Kîam mûthenya wa îkûmi na kana wa mweri ûcio nîmaagîre na kîrugo gîa gûkûngûîra pasaka.

Josh 5:9

Ngai-Mûnene nîwerire Joshua atîrî, “Ûmûnthî nînamûthengutîria gîconoko gîa kwîthîrwa mûrî ngombo vûrûrirî wa Misiri.” Kwoguo Joshua agîtuîrîra vandû vau rîîtwa Giligali na nwaguo vetagwa wana ûmûnthî.

Josh 9:6

Andû a Gibeoni nîmaathiîre Giligali kûrîa Joshua na andû a Isiraeli maambîte magema mao na makîmeera atîrî, “Tue tumîte vûrûri wa kûraca na tûrenda mûrûthe kîrîkanîro natue.”

1Sam 10:8

Na ûcoke ûnyûrûrûke ûthiî Giligali na ûkinye kuo mbere yakwa. Weterere ûrî kuo gwa îvinda rîa mîthenya mûgwanja nginya rîrîa ngaaûka gûkwîra ûrîa wagîrîrwe nî gwîka. Nie ngaakwîthîra kûu na ndute magongoona ma kûvîvua na ma thayû.”

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.