Josh 4:13 - ÎVUKU RÎA ÛVORO MWARO

¹³ Andû ta ngiri mîrongo îna (40,000) mevarîrîtie nîûndû wa mbaara nîmaavîtûkîre methorî ma Ngai-Mûnene na makîthiî vandû varaganu vakuvî na Jeriko.

Josh 4:13 Referencias Cruzadas

2Atha 25:5

Nwatî athigari a mbaara a Babuloni nîmaarûmîrîrie mûthamaki Zedekia na nîmaamûkinyîrîre kûndû kûrîa kwaraganu kûu Jeriko. Nao athigari ake onthe nîmaanyaganirie makîmûtiga.

Ntha 13:18

Vandû va ûguo Ngai aamatongoririe na njîra îrîa îthiûrûrûkîte werû îthiîte îriarî îtune. Nao andû a Isiraeli maaumire vûrûri wa Misiri mevarîrîtie na indo cia mbaara.

Jeremia 39:5

Nwatî athigari a mbaara a Akalidei nîmaamarûmîrîre na magîkinyîra Zedekia vakuvî na Jeriko. Mamûnyita nîmaamûvirire kûrî mûthamaki Nebukadinezarû îtûûrarî rîa Ribula vûrûrirî wa Hamathi, nake mûthamaki nîwamûtuîrîre.

Jeremia 52:8

Nwatî athigari a Babulonia nîmaavinyûrire makîrûmîrîria mûthamaki Zedekia, na makîmûkinyîrîra kûndû kûrîa kwaraganu vakuvî na rûnjî rwa Jeriko, nao athigari ake onthe nîmaamûtiganîrie makîûra.

Ndari 32:17

Tue nîtûgwoca indo cietû cia mbaara nîguo tûthiî mbaararî na andû etû a Isiraeli. Tûkethîrwa tûtongoretie mbaararî nginya tûmakinyie vûrûri ûrîa magaatûûra. Nwatî nîtûtiga ciana cietû gûkû matûûrarî mama mairigîre nîûndû makethîrwa marî agitîre kuuma kûrî andû a vûrûri ûyû.

Aefeso 6:11

Îkîrani indo cionthe cia mbaara cia Ngai nîguo mûvotage kwîgitîra kuumana na mawara macûku ma Ngoma.

Gûco 3:18

“Vîndî wa îo, nînaamwathire ngîmwîra atî, ‘Ngai-Mûnene, Ngai wenyu nîamûvete vûrûri ûyû ûrî mwena wa îrathîro ûtuîke wenyu. Andû onthe a mbaara nîmoce indo ciao cia mbaara, macoke mathiî marî mbere ya andû acio engî enyu a Isiraeli.

Josh 4:12

Nao arûme a mûvîrîga wa Reubeni na mûvîrîga wa Gadi na arûme a nuthu ya mûvîrîga wa Manase marî na indo cia mbaara, nîmaaringire mbere ya andû acio engî wata ûrîa Musa aamaathîte.

Josh 4:14

Mûthenya ûcio Ngai-Mûnene nîwekire ûndû wa gûtûma Joshua aneneve methorî ma andû onthe a Isiraeli. Nao nîmeekarire makîmûvecaga gîtîîo ûtûûrorî wake wonthe wata ûrîa mavecaga Musa.

Josh 5:10

Andû a Isiraeli nîmeekarire Giligali werûrî vandû varaganu vakuvî na Jeriko varîa maambîte magema. Na kîvwaî Kîam mûthenya wa îkûmi na kana wa mweri ûcio nîmaagîre na kîrugo gîa gûkûngûîra pasaka.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.