Josh 3:3 - ÎVUKU RÎA ÛVORO MWARO

³ makîmeeraga atîrî, “Vîndî îrîa mûkoona athînjîri-Ngai Alawi makuuîte îthandûkû rîa kîrîkanîro Kîam Ngai-Mûnene Ngai wenyu, mûgaaûkîra muume kûu mwambîte magema mûrîrûmîrîre.

Josh 3:3 Referencias Cruzadas

2Sam 6:13

Na rîrîa andû acio maakuîte îthandûkû rîa Kîrîkanîro maakinyûkirie makinyo matandatû, Daudi nîwamarûngamirie na akîrutîra Ngai-Mûnene îgongoona rîa ndegwa na njaû ino noru.

2Sam 6:3

Nîmaarutire îthandûkû rîa Kîrîkanîro rîa Ngai nyombarî ya Abinadabu îrîa yarî îgûrû rîa kîrîma makîrigîrîra îgûrû rîa gîkaari gîcerû. Nao anake a Abinadabu; Uza na Ahio nîo maathiîre na gîkaari kîu.

1Atha 8:3

Rîrîa atongoria onthe maaûnganire vamwe, athînjîri-Ngai nîmaakuuire îthandûkû rîa kîrîkanîro Kîam Ngai-Mûnene

Jeremia 33:18

na gûtigatura mûthînjîri-Ngai wa mûvîrîga wa Alawi wa kûruta matega ma kûvîvua, matega ma irio cia mîgûnda na wa kûruta magongoona tene na tene.”

Ndari 10:33

Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 8:19

Nake mwarimû ûmwe wa watho nîwathiîre kûrî Jesû na akîmwîra atîrî, “Mwarimû, nie nînîvarîrîtie kûthiî nawe wa kûndû kuonthe kûrîa ûkûthiî.”

Gûco 31:25

Arîkia kwandîka, nîwerire Alawi arîa maakuuaga îthandûkû rîa kîrîkanîro Kîam Ngai-Mûnene atîrî,

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Josh 3:4

Nao nîmakaamwonia kûrîa mûkaathiî, nîûndû mue mûtianakinya gûkû rîngî. Nwatî mûtikathiî vakuvî na îthandûkû rîa Kîrîkanîro. Gatagatî kenyu na îthandûkû rîu vethîrwe na ûtiganu ta wa kilomita îmwe.”

Josh 3:6

Joshua nîwacokire akîîra athînjîri-Ngai makuue îthandûkû rîa kîrîkanîro na mathiî marî mbere ya andû. Nao nîmeekire wata ûguo aameerire.

Josh 3:8

Atha athînjîri-Ngai arîa makuuîte îthandûkû rîa kîrîkanîro mathiî nginya rûnjîrî rwa Jorodani. Na maakinya matonye manjîrî vanini na marûngame vakuvî na nguva ya rûnjî.”

Josh 4:10

Athînjîri-Ngai arîa maakuuîte îthandûkû rîa kîrîkanîro nîmeekarire marûngamîte gatagatî ka rûnjî nginya rîrîa andû meekire maûndû monthe kûringana na ûrîa Joshua aathîtwe nî Ngai-Mûnene ameere. Ûguo nîguo Joshua aathîtwe nî Musa. Andû nîmaaringire rûnjî rwa Jorodani na îvenya.

Josh 6:6

Kwoguo Joshua nîwetire athînjîri-Ngai na nîwamerire atîrî, “Kuuani îthandûkû rîa kîrîkanîro na engî mûgwanja mathiî marî mbere ya îthandûkû rîa kîrîkanîro makuuîte tûrumbeta twa mvîa cia ndûrûme.”

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.

1Sam 6:15

Nao Alawi nîmaarutire îthandûkû rîa kîrîkanîro rîa Ngai-Mûnene gîkaarirî, vamwe na kathandûkû karîa kaarî na tûnyamû twa thaavu ndaarî na makîmaigîrîra îgûrû rîa îthiga rîu înene. Naguo mûthenya ûcio, andû a Bethishemeshi nîmaategere Ngai-Mûnene kîgongoona gîa kûvîvua wana magongoona marîa mengî.