Josh 23:7 - ÎVUKU RÎA ÛVORO MWARO

⁷ Mûtikagwatanîre na mavûrûri marîa maatigirwe gûkû mûrî. Mûtikagooce ngai ciao cia mîvuanano kana mwîvîta mûkîigwetaga wana kana mwînamîrîre mûrî mbere yacio.

Josh 23:7 Referencias Cruzadas

2Atha 17:12

na makîgooca mîvuanano îrîa Ngai-Mûnene aamakaanîtie akaamera atîrî, “Mûtigeke ûguo.”

2Atha 5:18

Ngai-Mûnene aronjovagîra rîrîa ngaathiîcania na mwathi wakwa hekarûrî ya Rimoni, athiîte kûmîgooca. Nama, Ngai-Mûnene aronjovera!”

2Maû 7:19

Nwatî mûngîkaagarûrûka na mûtige kwathîkîra kîrîra na maathani marîa nîmûvete, na mwambîrîrie kûgooca na gûtungatîra ngai ciîngî,

Thaburi 16:4

Andû arîa magoocaga ngai ciîngî, nîmeretagîrîra mathîna meengî mûno, Nie ndikaanyitanîra nao makîruta magongoona mao, na ndikaagooca ngai ciao.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Ntha 23:33

Mûtikanareke andû acio matûûre vûrûrirî wenyu, nîguo matigatûme mwîvie. Mûngîkaagooca ngai ciao, ûcio ûkethîrwa ûrî mûtego mûcûku mûno varî mue.”

Nthi 4:14

Ndûkarûmagîrîre njîra ya andû arîa aganu, na ûtigane na mîthiîre ya andû arîa acûku.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Hosea 2:17

Nîûndû ndigetîkîra marîtwa ma ngai cia Baali magwetwe kanyuarî gake.

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Ndari 32:38

Nebo na Baali-meoni (marîîtwa ma matûûra mama nîmaagarûrirwe) na Sibuma. Nîmaatuîrîre matûûra marîa maatumire marîîtwa mengî.

Ndari 33:55

Nwatî mûngîkaarega kwîngata atûûri a vûrûri ûcio onthe, arîa magatigara nîmakaamûva thîna. Makeethagîrwa mekariî ta ivuti irî methorî menyu kana ta mîgua îmûrigicîrîtie.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Gûco 6:14

Mûtikagooce ngai ciîngî, ngai cia andû arîa mûriganîtie nao.

Josh 23:12

Mûtigatuîke aremi na njîra ya gûtukana na andû arîa matigarîte gûkû mûrî na mwambîrîrie kûvikia aarî ao nao mavikie aarî enyu.

Josh 23:8

Nwatî, îthagîrwani mûrî evokeku varî Ngai-Mûnene, wata ûrîa mûtûûrîte mûrî evokeku nginyagia ûmûnthî.