Josh 23:10 - ÎVUKU RÎA ÛVORO MWARO

¹⁰ Mûndû ûmwe gatagatîrî kenyu nwa atûme andû ngiri îmwe maûre nîûndû Ngai-Mûnene, Ngai wetû nîwatwîrire atî nîke ûgatûrûagîrîra.

Josh 23:10 Referencias Cruzadas

2Sam 23:8

Mama nîmo marîîtwa ma athigari a Daudi arîa maarî îgweta: Wa mbere aarî Joshebu-bashebethu wa kuuma Takemoni. Joshebu-bashebethu nîke warî mûnene wa anene arîa engî a athigari a mbaara arîa meecîkene ta “Njamba ithatû”, Joshebu-bashebethu nîwarûire na andû magana manana na akîmaûraga onthe na îtumû rîake.

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

1Maû 5:22

Nîmaaûragire andû a Hagiri eengî nîûndû nîmaatethagua mbaararî nî Ngai. Nao nîmaatûûrire vûrûrirî ûcio nginya rîrîa maavirirwe îthamîriorî.

Thaburi 35:1

We Ngai-Mûnene, regana na arîa mareganaga nanie, na ûrûe na arîa marûaga nanie!

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Ntha 14:14

Ngai-Mûnene nîakûmûrûîrîra na gûtirî na vata wa mwîke ûndû wana ûrîkû.”

Isaia 30:17

Andû ngiri îmwe nîmakaaûra nî mûndû ûmwe, na andû atano nîmagaatûma muonthe mûre. Nginya rîrîa mûgatigwa mwîkariî ta mûtî wa vendera ûrî kîrîmarî, ta rûûri rûrî îgûrû rîa karîma!

Alawi 26:7

Nî mûkaarûa na nthû cienyu na mûivoote.

Alawi 26:8

Andû atano enyu nî makaavoota andû îgana, nao andû îgana enyu nîmakaavoota andû ngiri îkûmi na nî mûkaavoota nthû cienyu.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 20:3

akameera, ‘Tathikîrîriani mue andû a Isiraeli! Ûmûnthî nîmûkûthiî kûrûa na nthû cienyu. Mûtikathirwe nî vinya ngoro kana mwîtigîre kana mûtetema kana mûmakue nî o.

Gûco 20:4

Ngai-Mûnene Ngai wenyu nîke ûkaamûrûagîrîra kûrî nthû cienyu na akamûva ûvootani.’

Gûco 28:7

“Rîrîa mwatharîkîrwa nî nthû cienyu, Ngai-Mûnene nîakaamûvotithia kûivoota. Mamûtharîkîra kuuma mwena ûmwe, makaaûra nîmue na mîena yonthe.

Gûco 3:22

Mûtigetigîre athamaki acio, nîûndû Ngai-Mûnene, Ngai wenyu nîakaamûrûîrîra.’

Gûco 32:20

Nîwaugire atî, ‘Nîngaamathitha ûthiû wakwa,’ nîngaaroria mone ûrîa makaarîkîrîria, nîûndû nî rûciaro rûremi na andû matarî evokeku.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Josh 10:42

Joshua nîwavootire athamaki acio onthe na mavûrûri mao na mbaara ya riita rîmwe nîûndû Ngai-Mûnene, Ngai wa Isiraeli nîke wamarûagîrîra.

Josh 23:11

Kwoguo menyererani mwendage Ngai-Mûnene, Ngai wenyu.

Josh 23:3

na nîmwonete maûndû monthe marîa Ngai-Mûnene, Ngai wenyu ekîte mavûrûri mama monthe nîûndû wenyu. Ngai-Mûnene, Ngai wenyu ethîrîtwe akîmûrûîrîra.

Atir 15:15

Nîwacokire akîona îvîndî rîa rûthîa rwa mvunda yakuîte îvinda rîtaarî îraca. Nîwarîocire na akîûraga arûme ngiri îmwe narîo.

Atir 3:31

Vuva wa Ehudi, mûtongoria ûcio wîngî eetagwa Shamigari mûvîcî wa Anatho. Shamigari aavonokirie Aisiraeli rîrîa aaûragire Afilisiti magana matandatû na mûragi wa kûrîthia ng'ombe.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”