Josh 22:8 - ÎVUKU RÎA ÛVORO MWARO

⁸ nîwamerire atîrî, “Nîmûcoka kwenyu mîciî mûrî atongu mûno. Nîmûthiî na ndîthia nene, sîlûva, thaavu, gîcango, cuuma na nguo nyîngî. Mwakinya mûkagaana na andû enyu indo icio mwatavire kuuma kûrî nthû cienyu.”

Josh 22:8 Referencias Cruzadas

1Maû 5:9

Andû aya nwa matûûraga na mwena wa îrathîro nginya rûtere rwa werû vakuvî na rûnjî rwa Farati nîûndû maarî na indo nyîngî cia kûrîthia irîa ciongererekete marî vûrûrirî wa Gileadi.

2Maû 17:5

Kwoguo Ngai-Mûnene nîwatûmire ûthamaki wa Jehoshafati wîvande waro. Nao andû onthe a Juda nîmaamûviragîra iveo, agîtonga na agîtîwa mûno.

2Maû 32:27

Mûthamaki Hezekia nîwatongire mûno na andû onthe nîmaamûvete gîtîîo. Nîwatumithîtie nyomba nyîngî cia kwiga ûtonga wake wa sîlûva, thaavu, mathiga ma goro, mînyamû mînungi waro, ngo na indo ciîngî cia goro cia mîthemba yonthe.

Thaburi 68:12

“Athamaki na athigari ao a mbaara nîmaraûra!” Aka arîa maarî mîciî nîmaagaanire indo irîa ciatavîtwe,

Nthi 3:16

Ûûgî ûvecaga mûndû ûtûûro mûraca, na nîûvecaga mûndû ûtonga na gîtîîo.

Ndari 31:27

Gaaniani indo icio mûtavîte maita maîrî. Gîcunjî kîmwe kîthiî na athigari a mbaara, nakîo kîu kîngî kîthiî na andû acio engî onthe.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Ahib 11:26

Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

1Sam 30:16

Nake nîwavirire Daudi kûrîa gîkundi kîu Kîamrî. Nao athigari acio a Amaleki maanyagarûkîte kûu kuonthe, makîrîcaga, makînyunyaga na makinaga, nîûndû indo irîa maatavîte kuuma vûrûrirî wa Afilisiti na wa Juda ciarî nyîngî mûno.

1Sam 30:24

Gûtirî mûndû ûngîtîkania na ûguo mûrauga! Andû onthe nwanginya magaane indo megananîte. Mûndû ûrîa wathiîre mbaararî na ûrîa watigirwe ekarîtie mîrigo nîmavewe indo ûndû ûmwe.”