Josh 22:10 - ÎVUKU RÎA ÛVORO MWARO

¹⁰ Vîndî îrîa andû a mûvîrîga wa Reubeni na wa Gadi na nuthu îmwe ya mûvîrîga wa Manase maakinyire Gelilothu vakuvî na rûnjî rwa Jorodani, nîmaatumire metha nene mbaro ya kîgongoona. Vîndî îo maarî mwena wa îthûîro wa rûnjî rwa Jorodani.

Josh 22:10 Referencias Cruzadas

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 12:8

Vuva wa ûguo Aburamu nîwathiîre irîmarî irîa irî mwena wa îrathîro wa Betheli, na akîamba îgema rîake gatagatî ka Betheli na Ai. Betheli yarî mwena wa îthûîro, nayo Ai mwena wa îrathîro. Nake Aburamu nîwatumîre Ngai-Mûnene metha ya kîgongoona vau na akîgooca Ngai-Mûnene arî vo.

Kîam 28:18

Mûthenya ûcio wîngî kîraûko tene, Jakovu nîwaramûkire, agîoca îthiga rîrîa rîarî rungu rwa kîongo gîake na akîrîvanda rîrî rîa kîririkano, agîcoka akîrîtîrîria maguta akîrîamûrîra Ngai.

Isaia 19:19

Mûthenya ûcio gûkethîrwa kûrî na metha ya kîgongoona ya Ngai-Mûnene vûrûrirî wa Misiri, na gîtugî Kîammûrîrîtwe Ngai-Mûnene kîrî mûvakarî wa vûrûri ûcio.

Josh 22:11

Nao andû acio engî a Isiraeli nîmeerirwe atîrî, “Tathikîrîriani! Andû a mûvîrîga wa Reubeni, Gadi na Manase a mwena wa îrathîro nîmatumîte metha ya kîgongoona îtûûrarî rîa Gelilothu mwena wetû wa rûnjî rwa Jorodani.”

Josh 22:9

Kwoguo andû a mûvîrîga wa Reubeni, Gadi na nuthu ya mûvîrîga wa Manase mwena wa îrathîro, nîmaatigire andû acio engî a Isiraeli kûu Shilo vûrûrirî wa Kanaani makîthiî kwao vûrûrirî wa Gileadi. Vûrûri ûcio nîguo megwatîre wata ûrîa Ngai-Mûnene aathanîte kûvîtûkîra kûrî Musa.