Josh 21:44 - ÎVUKU RÎA ÛVORO MWARO

⁴⁴ Ngai-Mûnene nîwerîrîte methe ma tene ma andû a Isiraeli atî nîagaatûma matûûrage na thayû vûrûrirî wao wonthe. Nake nîwavingirie kîîranîro kîu. Gûtirî wana îmwe ya nthû ciao îngîavotire kûrûa nao, nîûndû Ngai-Mûnene nîwamavere ûvootani kûrî nthû ciao cionthe.

Josh 21:44 Referencias Cruzadas

2Maû 13:16

Athigari a Isiraeli nîmaaûrire nî athigari a Juda, nake Ngai nîwatûmire mavootwa nî athigari a Juda.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Ntha 33:14

Nake Ngai-Mûnene nîwamûcokerie atîrî, “Nîmbîthîrwa nawe, na ngaatûma ûgîe na thayû.”

Isaia 63:14

Wata ûrîa ng'ombe iviragwa ciandarî irîa noru, nwaguo Roho wa Ngai-Mûnene aanogokirie andû ake. Ûguo nîguo we Ngai watongoririe andû aku nîguo wîgîre na îgweta înene.

Gûco 2:36

Kuuma Aroeri, îtûûra rîrîa rîrî rûtere rwa rûnjî rwa Arinoni, na kuuma îtûûra rîrîa rîrî Kîamndarî, nginya Gileadi, gûtirî îtûûra rîarî na nthingo îngîatûremire. Ngai-Mûnene, Ngai wetû nîwatûvotithirie kwîgwatîra matûûra monthe.

Gûco 21:10

“Rîrîa mwathiî mbaararî na Ngai-Mûnene Ngai wenyu aamûvotithia kûvoota nthû cienyu na mwaitava,

Ahib 4:9

Na njîra wata îno, nîgûtigarîtie mûthenya wa kûvurûka wa andû a Ngai, wata ûrîa Ngai aavurûkire mûthenya wa mûgwanja.

Josh 1:13

“Ririkanani ûrîa Musa ndungata ya Ngai-Mûnene aamwîrire. Ke aamwîrire atîrî, Ngai-Mûnene, Ngai wenyu nîakaamûva vandû va kûvurûka na nîguo vûrûri ûyû amûveete.

Josh 1:15

nginya rîrîa megwatîre vûrûri ûrîa ûrî mwena wa îthûîro wa rûnjî rwa Jorodani. Vûrûri ûcio nîguo Ngai-Mûnene Ngai wenyu akûmava na marîkia kwîgwatîra vûrûri ûcio, namue nîmûgaacoka mûtûûre vûrûrirî ûrîa Musa ndungata ya Ngai aamûveere ûrîa ûrî mwena wa îrathîro rîa Jorodani ûtuîke wenyu.”

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 11:12

Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.

Josh 11:23

Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.

Josh 11:8

Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 22:4

Rîu Ngai-Mûnene, Ngai wenyu nîatûmîte andû enyu Aisiraeli matûûre marî na thayû wata ûrîa aameerîre. Kwoguo thiîni kwenyu mûciî vûrûrirî ûrîa watuîkire waku. Vûrûri ûcio nî ûrîa Musa ndungata ya Ngai-Mûnene aamûveere mûringo ûrîa wîngî wa rûnjî rwa Jorodani.

Josh 22:9

Kwoguo andû a mûvîrîga wa Reubeni, Gadi na nuthu ya mûvîrîga wa Manase mwena wa îrathîro, nîmaatigire andû acio engî a Isiraeli kûu Shilo vûrûrirî wa Kanaani makîthiî kwao vûrûrirî wa Gileadi. Vûrûri ûcio nîguo megwatîre wata ûrîa Ngai-Mûnene aathanîte kûvîtûkîra kûrî Musa.

Josh 23:1

Vuva wa kavinda karaca Ngai-Mûnene nîwavere andû a Isiraeli thayû wa gwîkara matakûrûa na nthû irîa ciamathiûrûrûkîrîtie. Vîndî îo Joshua aarî mûkûrû mûno.