Josh 2:16 - ÎVUKU RÎA ÛVORO MWARO

¹⁶ Nake Rahabu nîwerire athigani acio atîrî, “Thiîni irîmarî mûkethithe kuo nîguo andû a mûthamaki arîa mamûrûmîrîrîtie matîkamwone. Îkarani kuo îvinda rîa mîthenya îthatû nginya rîrîa magaacoka. Vuva wa ûguo mûkaaumîra mwîthiîre.”

Josh 2:16 Referencias Cruzadas

Thaburi 11:1

Nthiîcaga kûrî Ngai-Mûnene nîguo angitîre, mûngîvota kûmbîra atîa, “Gûrûka ta gîconi ûthiî irîmarî,

Jakuvu 2:25

Ûguo nwa guo wana Rahavu ûrîa warî mûmaraa atwirwe mûthingu na njîra ya ciîko ciake. Ke nîwanyitire athigani Isiraeli ûgeni na nîwamatethirie maûre mathiî na njîra îngî.

Josh 2:15

Rahabu atûûraga nyombarî yatumîtwe rûthingorî rwa îtûûra. Kwoguo nîwanyûrûrûkirie athigani acio na mûkanda maumîrîrîte ndiricarî.

Josh 2:22

Nao athigani nîmaathiîre irîmarî na makîîthitha kuo. Andû a mûthamaki arîa maamathingatîte nîmaamacaririe îvinda rîa mîthenya îthatû kûu vûrûrirî wonthe. Na rîrîa maaturire andû a mûthamaki nîmaacokire îtûûrarî rîao rîa Jeriko.

1Sam 23:14

Daudi nîwekarire ethithîte kûu vûrûrirî ûrîa ûrî irîma kûu werûrî wa Zifu. Saûlo nîwamûcaragia wa mûthenya, nwatî Ngai ndaanenganîra Daudi kûrî Saûlo.

1Sam 23:29

Daudi nîwaumire kûu na akîthiî gûtûûra vûrûrirî wa Engedi ethithîte kuo.