Josh 2:14 - ÎVUKU RÎA ÛVORO MWARO

¹⁴ Nao arûme acio nîmaamwîrire atîrî, “Ethîrwa ndûkeera mûndû wana ûrîkû ûrîa twîthîrîtwe tûgîka, nîtûkwîranîra na ma atî nîtûgaakwîguîra ntha rîrîa Ngai-Mûnene agaatûvotithia kwîgwatîra vûrûri ûyû. Na tûngîkaarega kûvingia ûguo tweranîra, Ngai nîagaatûûraga.”

Josh 2:14 Referencias Cruzadas

Kîam 24:49

Rîu-î, mbîrani kana nîmûkwathîkîra mwathi wakwa na mûmwîke ûrîa kwagîrîrîte. Ethîrwa tî guo mbîrani, na nîngûmenya ûrîa ngwîka.”

Kîam 47:29

Kavinda ka Jakovu gûkua gakûvîvîria, nîwetire mûvîcî Josefu na akîmwîra atîrî, “Ethîrwa nie nîmbîtîkîrîkîte nîwe, tonyia njara ciaku gatagatî ga ciaû ciakwa na wîranîre nama atî ndûkanthika Misiri.

2Sam 2:5

nîwatûmire anjama amwe mathiî kuo makeere andû a Jabeshi atîrî, “Ngai-Mûnene aromûrathima nîûndû wa gîtîîo kîrîa mwonirie mûthamaki wenyu Saûlo na njîra ya kûmathika.

2Sam 2:6

Nake Ngai-Mûnene aromûva wendo ûrîa ûtathiraga na amwîkage maûndû ma kîvooto. Nanie ngaamûtungatagîra waro nîûndû wa ûguo mwekire.

2Sam 9:1

Vîndî îmwe Daudi nîwaûririe atîrî, “Kûrî na mûndû wanarî ûmwe ûtigarîte wa kuuma mûciî wa Saûlo? Ethîrwa kûrî nake, nie nwa mende gwîka mûndû ûcio maûndû maro nîûndû wa Jonathani.”

1Atha 20:39

Rîrîa mûthamaki wa Isiraeli aavîtûkaga, mûrathi nîwamwîtire na akîmwîra atîrî, “Mwathi wakwa, nie ndungata yaku naarî mbaararî, rîrîa mûthigari aandeteere mûndû ûmwe na akîmbîra, atî menyerere mûndû ûcio; na angîkaaûra nîkwa ngaaûragwa, kana ndîve sîlûva ngiri ithatû (3,000).

Nthi 14:22

Andû arîa mavangaga gwîka maûndû macûku nî mavîtagia. Arîa mavangaga gwîka maûndû maro nî mavecagwa gîtîîo na makevokwa nî andû.

Nthi 18:24

Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

Mathaayo 5:7

Kûrathimwa nî arîa megucanagîra ntha, nîûndû nîmakeguîrwa ntha!

Ciîko 23:22

Kwoguo mûnene ûcio wa mbûtû ya athigari nîwathire mwanake ûcio atîrî, “Ndûkanere mûndû wana ûrîkû atî we nîwamenyithia ûvoro wîgiî mûvango wao.” Mûnene ûcio wa mbûtû ya athigari nîwacokire akîîra mwanake ûcio aumagare athiî.

Josh 2:13

Îranîrani atî nîmûkaavonokia vava, nyanya, aa mûrwaiya, aa mwarwaiya na mîciî yao matikaaûragwe!”

Josh 2:15

Rahabu atûûraga nyombarî yatumîtwe rûthingorî rwa îtûûra. Kwoguo nîwanyûrûrûkirie athigani acio na mûkanda maumîrîrîte ndiricarî.

Josh 6:17

Îtûûra wa vamwe na indo cionthe irîa irî kuo nîicûkangue ta irutîrîtwe Ngai-Mûnene matega. Nwatî Rahabu mûndûmûka ûrîa mûmaraa na andû a mûciî wao marekwe matûûre, nîûndû nîke wathithire athigani etû.

Josh 6:22

Joshua nîwacokire akîra andû aîrî arîa maathiîte kûthigana vûrûri ûcio atîrî, “Thiîni nyombarî ya Rahabu ûrîa mûmaraa, mûmûrute kuo wa vamwe na andû a nyomba yake wata ûrîa mwarîkanîre nake.”

Josh 6:25

Nwatî Joshua nîwavonokirie Rahabu ûrîa mûmaraa, îthe na nyomba yake na arîa onthe metanîtue nake, nîûndû nîwathithire andû arîa maatûmîtwe nî Joshua makathigane îtûûra rîu. Rahabu na andû a nyomba yao nwa matûîre Isiraeli nginya ûmûnthî.

1Sam 20:8

Kwoguo nînîrakûthaitha ûvingie kîrîkanîro kîtheru kîrîa twarîkanîre nawe. Nwatî ethîrwa nîmûvîtiu, mbûraga arî we! Nîûmvira kûrî aguo nîguo ambûrage nîkî?”