Josh 2:12 - ÎVUKU RÎA ÛVORO MWARO

¹² Kwoguo îîvîteni mbere ya Ngai-Mûnene atî nîmûgaatwîguîra ntha mûtûvonokie, nie na mûciî wetû wata ûguo namwîguîra ntha. Monia kîrîa gîgaatûma mbîtîkia.

Josh 2:12 Referencias Cruzadas

Kîam 21:23

Kwoguo îîvîte ûrî ava mbere ya Ngai atî ndûkaamveenia, kana ûveenie ciana ciakwa kana njiarwa ciakwa. Mbîthîrîtwe nîrî mwîvokeku kûrî we, kwoguo mbîra atî wanawe ûkethagîrwa ûrî mwîvokeku kûrî nie na kûrî vûrûri ûyû wathamîre.”

Kîam 24:3

Nîrenda wîvîte na rîîtwa rîa Ngai-Mûnene, Ngai wa îgûrû na nthî uuge, atî ndûgaacarîria mûvîcîwa mûndûmûka kuuma kûrî aarî a Kanaani arîa ndûûranagia nao.

Kîam 24:9

Kwoguo ndungata îo nîyatonyirie njara ciayo gatagatîrî ga ciaû cia mwathi wayo Iburahimu, na îkîîvîta atî nîîgwîka ûguo Iburahimu aamîrîte.

Kîam 40:14

Rîrîa maûndû maku makaagîra, nakûthaitha ûkaandirikana ûmbîguîre ntha na ûkaangweta kûrî mûthamaki nîguo ndutwe gûkû njeera.

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Esita 8:6

Nîngîûmîrîria atîa kwona andû akwa makînyarirwa kana andû etû makîûragwa?”

Ntha 12:13

Nthakame îrîa mûkaavaka itugîrî cia mîrango nîyo îkeethîrwa îrî rûûri rwa kwonania nyomba irîa mûtûûraga. Nona nthakame nîngaavîtûka mîciî yenyu na mûtikoona ûndû mûcûku ngîverithia andû a Misiri.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Maariko 14:44

Judasi nîwambîte kwîra kîrîndî atîrî, “Mûndû ûrîa mûkona ngîmumunya mûkaamenya nîke, na kwoguo mûkaamûnyita na mûthiî nake mûmûrangîrîte.”

Aroma 1:31

Nî aganu, tî evokeku, matiîciragia maûndû ma andû arîa engî na matirî ntha.

1Tim 5:8

Ethîrwa kûrî mûndû ûrîa ûtamenyagîrîra andû ao na makîria andû a nyomba yake, nîmûreganu na wîtîkio na nî mûcûku gûkîra mûndû ûtetîkîtie.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Josh 2:13

Îranîrani atî nîmûkaavonokia vava, nyanya, aa mûrwaiya, aa mwarwaiya na mîciî yao matikaaûragwe!”

Josh 2:18

Nawe ûgeeka atîrî, rîrîa tûkaatharîkîra vûrûri ûyû wenyu, ûkaathaîkîrîra kamûkumbû ka rangi ya njambarawe ndiricarî îrîa watûrutîre ûgîtûnyûrûrûkia. Nao andû enyu onthe, aguo, nyûkwe, na aa mûrwanyûkwe ûkaamatonyia gwaku nyomba.

Josh 2:19

Mûndû wa wonthe wa cienyu angîkaauma nja na aûragwe, mau makethîrwa marî mavîtia make, tue tûtikaaûrua. Nake mûndû wa wonthe wa cienyu, arîa mûkeethîrwa mûrî nao nyomba angîkoona thîna nîtue tûkaaûrua nthakame yake.

Josh 6:22

Joshua nîwacokire akîra andû aîrî arîa maathiîte kûthigana vûrûri ûcio atîrî, “Thiîni nyombarî ya Rahabu ûrîa mûmaraa, mûmûrute kuo wa vamwe na andû a nyomba yake wata ûrîa mwarîkanîre nake.”

Josh 9:15

Joshua nîwarûthire kîrîkanîro Kîam thayû na andû a Gibeoni na akîreka matûûre mwoyo. Nao atongoria a andû a Isiraeli nîmeevîtire na makîranîra atî nîmakûmenyerera kîrîkanîro kîu maarûthire.

Atir 1:24

Athigani acio nîmoonire mûndûmûrûme aumîte îtûûrarî rîu na makîmwîra atîrî, “Twakûthaitha ûtwonie njîra ya gûtonya îtûûra rîîrî, natue nîtûgûgwîka maûndû maro.”

1Sam 30:15

Daudi nîwamûririe atîrî, “Nîûkûmvira kûrî gîkundi kîu?” Nake Mûmisiri nîwacokirie atîrî, “nîngûmûvira ethîrwa nîkûmbîrîra na rîîtwa rîa Ngai atî ndûkûmbûraga kana ûnenganîra kûrî mwathi wakwa.”