Josh 2:10 - ÎVUKU RÎA ÛVORO MWARO

¹⁰ Nîtwîguîte ûrîa Ngai-Mûnene aatûmire manjî ma îria Îtune mavûa mbere yenyu rîrîa mwaumaga Misiri. Wana nîtwîguîte ûrîa mwaûragire athamaki a Amori, Sihoni na Ogu arîa maarî mwena wa îrathîro wa Jorodani.

Josh 2:10 Referencias Cruzadas

Thaburi 74:15

We nîwatûmire kûgîe na ithima cia manjî na tûrûnjî, nîwatûmire nyûnjî irîa nene inyare.

Ndari 20:14

Musa nîwatûmire anjaama kuuma Kadeshi mathiî kûrî mûthamaki wa Edomu. Anjaama acio nîmaaugire atîrî, “Mûrwanyûkwe Isiraeli auga atî, we nîwîcî mathîna monthe marîa twonete.

Ndari 23:22

Ngai aamarutire vûrûri wa Misiri; amarûagîrîra ta mbogo ya njamba.

Ndari 24:8

Ngai nîwamarutire vûrûri wa Misiri, amarûagîrîra ta mbogo ya njamba. Nîmagaacûkangia nthû ciao na maunange mavîndî mao, na mamarathe na mîguî yao.

Gûco 2:30

“Nwatî mûthamaki Sihoni ndetîkîra tûvîtûkîrîre vûrûrirî wake. Ngai-Mûnene, Ngai wenyu nîwamûmirie ngoro, na agîtuîka nthande nîguo tûmûvoote. Kwoguo nîtwamûtharîkîre tûkîmûvoota na tûgîoca vûrûri wake, na nîkuo tûtûûraga nginya ûmûnthî.

Josh 24:12

Nînatûmire magwatwe nî guoya nîguo mîngate athamaki aîrî a Amori. Tî vinya wenyu na indo cienyu cia mbaara ciavootanire, nînie naamavootire.

Josh 4:24

Kwoguo andû onthe a nthî nwa mamenye ûrîa Ngai-Mûnene arî vinya mûnene, na andû nîmagîrîrwe nî kûmûvecaga gîtîîo vîndî cionthe.”

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Josh 9:10

Wana nîtwîguîte ûvoro wa maûndû marîa monthe eekire athamaki arîa aîrî a Amori arîa maarî mûringo wa Jorodani. Athamaki acio maarî: Sihoni mûthamaki wa Heshiboni na Ogu mûthamaki wa Bashani ûrîa watûûraga Ashitarothu.”