Josh 2:1 - ÎVUKU RÎA ÛVORO MWARO

¹ Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 2:1 Referencias Cruzadas

Kîam 42:16

Tûmani ûmwe wenyu athiî akamûgîre. Nao acio engî matigwe marangîrîtwe nginya rîrîa ûma wa ûvoro ûcio mûraria ûkaamenyekana waro. Ethîrwa tîguo, nînîvîta na rîîtwa rîa mûthamaki wa Misiri atî mue mûrî athigani.”

Kîam 42:9

Nîwaririkanire iroto irîa aarotete imegiî na akîmera atîrî, “Mue mûrî athigani na mûkîte gûtuîria nîguo mwone varîa vûrûri wetû ûtarî na vinya.”

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Ndari 13:1

Ngai-Mûnene nîwerire Musa atîrî,

Ndari 13:2

“Thuura mûtongoria ûmwe ûmwe kuuma mîvîrîgarî îkûmi na îîrî ya andû a Isiraeli, na ûmatûme makathigane vûrûri wa Kanaani ûrîa ngaava andû a Isiraeli.”

Ndari 25:1

Rîrîa andû a Isiraeli matûûraga vûrûrirî wa Shitimu, arûme a Isiraeli nîmaamenyanire kîîmwîrî na aka a Moabu arîa maarî kuo.

Ndari 33:49

Maambire magema gatagatîrî ka Bethi-jeshimothi na kûndû kûrîa kwaraganu kwa Moabu.

Mathaayo 1:5

Salimoni aarî îthe wa Boazu na ng'ina aarî Rahavu. Nake Boazu aarî îthe wa Obedi na ng'ina aarî Ruthu. Obedi aarî îthe wa Jesii,

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Ahib 11:31

Wîtîkio nîguo wagiririe Rahavu mûndûmûka ûrîa warî mûmaraa aûragwe vamwe na andû arîa maaregire kwathîkîra Ngai, nîûndû nîwanyitire athigani a Isiraeli ûgeni.

Jakuvu 2:25

Ûguo nwa guo wana Rahavu ûrîa warî mûmaraa atwirwe mûthingu na njîra ya ciîko ciake. Ke nîwanyitire athigani Isiraeli ûgeni na nîwamatethirie maûre mathiî na njîra îngî.

Josh 1:18

Mûndû wa wonthe ûkaaregana nawe na arege kwathîkîra watho waku, nî akaaûragwa. Gîa na vinya na ûmîrîrie!”

Josh 2:2

Mûthamaki wa Jeriko nîwegwire atî kûrî na andû a Isiraeli maaûkîte ûtukû ûcio nîguo mathigane vûrûri ûcio.

Josh 21:31

Helikathu, na Rehobu.

Josh 3:1

Mûthenya ûcio warûmîrîrîte kîraûko tene, Joshua na andû onthe a Isiraeli nîmaaumire Shitimu na makîthiî rûnjîrî rwa Jorodani. Vau nîvo maambire magema mao na makîrara ûtukû wa mûthenya ûcio.

Josh 5:10

Andû a Isiraeli nîmeekarire Giligali werûrî vandû varaganu vakuvî na Jeriko varîa maambîte magema. Na kîvwaî Kîam mûthenya wa îkûmi na kana wa mweri ûcio nîmaagîre na kîrugo gîa gûkûngûîra pasaka.

Atir 1:23

Mbere nîmaatûmire athigani îtûûrarî rîu. Îtûûra rîu mbererî rîetagwa Luzi.

Atir 18:14

Arûme acio atano arîa maathiîte kûthigana vûrûri wa Laishi nîmeerire andû ao atîrî, “Nî mwîcî atî nyombarî îmwe ya ino kûrî na ngai ya mûvuanano îvakîtwe sîlûva kuonthe? Kûrî wana mîvuanano îngî na efodi. Rîu îîcirieni ûrîa mûgwîka.”

Atir 18:17

Athigani acio atano nîmaathiîre magîtonya nyomba na magîoca mûvuanano ûrîa wavakîtwe sîlûva, mîvuanano îo îngî vamwe na efodi. Nake mûthînjîri-Ngai na athigari arîa magana matandatû (600) marî na indo cia mbaara maarî kîvingorî.

Atir 18:2

Kwoguo andû a Dani nîmaathuurire arûme atano arîa maarî njamba kuuma kûrî nyomba cionthe cia mûvîrîga wao kuuma matûûrarî ma Zora na Eshitaoli na makîmatûma magatuîrie vûrûri ûcio. Rîrîa maakinyire vûrûrirî ûrîa ûrî irîma wa Efiraimu, nîmaararire kwa Mika mûciî.