Josh 19:51 - ÎVUKU RÎA ÛVORO MWARO

⁵¹ Ûguo nîguo Eleazaru mûthînjîri-Ngai na Joshua mûvîcî wa Nuni marî na atongoria a mbarî cia mîvîrîga ya andû a Isiraeli maagaire vûrûri. Maaûgaire na njîra ya kûûthîra maûrîtie ûtaaro kuuma kûrî Ngai-Mûnene marî Shilo mûrangorî wa îgema rîa Ngai-Mûnene. Kwoguo nîmaarîkirie kûûgaa.

Josh 19:51 Referencias Cruzadas

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 78:60

Nîwatiganîrie îgema rîake rîrîa rîarî Shilo, kûrîa aatûûraga gatagatîrî ka andû.

Mathaayo 20:23

Nake Jesû nîwamerire atîrî, “Nama mue nîmûkûnyuîra gîkomberî gîakwa, nwatî nie ndirî na ûvoti wa gûtua nû ûgeekarîra gîtî mwena wakwa wa ûrîo kana wa ûmotho. Itî icio nî cia arîa Vava avarîrîtie.”

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Ciîko 13:19

Ngai nîwathiririe ndûrîrî mûgwanja irîa ciarî vûrûrirî wa Kanaani na akîvecana vûrûri ûcio kûrî andû ake.

Josh 14:1

Ûyû nîguo mûtaratara wa ûrîa vûrûri wa Kanaani wagaanirue gatagatîrî ka andû a Isiraeli. Vûrûri ûcio warî mwena wa îthûîro wa rûnjî rwa Jorodani. Mûthînjîri-Ngai Eleazaru, Joshua mûvîcî wa Nuni na atongoria a mbarî cia mîvîrîga ya Isiraeli nîmaagaire vûrûri ûcio kûringana na andû ao.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 18:10

Joshua nîwaûririe ûtaari kûrî Ngai-Mûnene nîûndû wao. Nîwacokire akîgaîra mîvîrîga îrîa yatigarîte îtarî mîgaîre vûrûri wao, wa mûvîrîga gîcunjî Kîamguo.

Josh 20:1

Ngai-Mûnene nîwacokire akîra Joshua

Atir 21:19

Kwoguo nîmaaririkanire atî kîrugo Kîam Ngai-Mûnene kîrîa kîthondekagwa wa mwaka wa mwaka kûu Shilo kîrî vakuvî. Shilo îrî mwena wa rûgûrû wa Betheli, na mwena wa îveti wa Lebona. Îrî mwena wa îrathîro wa njîra îrîa yumîte Betheli îthiîte Shekemu.

Atir 21:21

na mwîkare mûroretie. Rîrîa erîtu a kûu Shilo makaumîra kwîinia vîndî ya kîrugo, mûkaumîra mûgûndarî wa mîthavibu na wa mûndû akenyitîra mûka vo na vinya mûkînathiî nao vûrûrirî wa Benjamini.

1Sam 1:3

Elikana nîwamenyerete kûthiî aumîte îtûûrarî rîao wa mwaka wa mwaka akathiî Shilo kûgooca, wa vamwe na kûrutîra Ngai-Mûnene mwene vinya wonthe kîgongoona. Kûu Shilo nîkuo anake aîrî a Eli, Hofini na Finehasi maarî athînjîri-Ngai a Ngai-Mûnene.