Josh 18:6 - ÎVUKU RÎA ÛVORO MWARO

⁶ Mwandîke waro ûrîa mûkoona icunjî icio mûgwanja mûke mûmbîre nanie ngaûria Ngai-Mûnene Ngai wetû ûtaaro.

Josh 18:6 Referencias Cruzadas

Thaburi 105:11

Aaugire atîrî, “Nîngaakûva vûrûri wa Kanaani, na nîûgaatuîka îgai rîaku.”

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Nthi 18:18

Gwikia mîtî nî kûthiragia ngarari ciirarî, nî gûtuithanagia ciira gatagatî ka andû aîrî magîkararania na vinya.

Ndari 33:54

Mûkagaana vûrûri ûcio kûrî wa mûvîrîga na wa mbarî na njîra ya kûthîrwa. Mûvîrîga ûrîa mûnene nîguo ûkaagaîrwa gîcunjî kîrîa kînene, naguo mûvîrîga ûrîa mûnini ûgaîrwe gîcunjî kîrîa kînini.

Ndari 34:13

Kwoguo Musa nîwerire andû a Isiraeli atîrî, “Ûyû nîguo vûrûri ûrîa mûkagaana na njîra ya gwikia mîtî, na nîguo Ngai-Mûnene aaveere mîvîrîga kenda na nuthu.

Ciîko 13:19

Ngai nîwathiririe ndûrîrî mûgwanja irîa ciarî vûrûrirî wa Kanaani na akîvecana vûrûri ûcio kûrî andû ake.

Josh 14:2

Musa nîwathîtwe nî Ngai-Mûnene atî vûrûri ûyû ûkaagaanua na njîra ya kûthîrwa. Naguo nîwagaîrwe mîvîrîga kenda na nuthu ya andû a Isiraeli.

Josh 18:10

Joshua nîwaûririe ûtaari kûrî Ngai-Mûnene nîûndû wao. Nîwacokire akîgaîra mîvîrîga îrîa yatigarîte îtarî mîgaîre vûrûri wao, wa mûvîrîga gîcunjî Kîamguo.

Josh 18:7

Mûvîrîga wa Lawi ndûkaagaîrwa îgai mîvîrîga îo îngî îkîgaîrwa nîûndû îgai rîao nî gûtungata marî athînjîri-Ngai. Nayo mîvîrîga ya Gadi, Reubeni na nuthu ya mûvîrîga wa Manase nîagwatu îgai rîao rîrîa meerîrwe. Nîmaagaîrwe vûrûri ûrîa ûrî mwena wa îrathîro wa rûnjî rwa Jorodani nî Musa ndungata ya Ngai-Mûnene.”

Josh 18:8

Joshua nîwataarire andû arîa maathuurirwe na akîmera atîrî, “Thiîni vûrûrirî wonthe na mwandîke maûndû waro mûcoke mûndetere ûrîa wîkariî nîguo ngaavota kûria Ngai-Mûnene ûrîa ngûûgaania nîrî gûkû Shilo.” Nao andû acio marîkia gûtaarwa nî Joshua nîmaathiîre.