Josh 18:16 - ÎVUKU RÎA ÛVORO MWARO

¹⁶ Kuuma ithimarî cia Nefutoa nîwanyûrûrûkîte ûkathiî nthî ya kîrîma kîrîa kîgiritanîtie na Kîamnda Kîam Hinomu mûthiiarî wa Kîamnda Kîam Refaimu mwena wa rûgûrû. Nîwacokete ûkathiî mwena wa îveti ûvîtûkîrîrîte Kîamndarî Kîam Hinomu mwena wa îveti îtûûra rîa Ajebusi warekerete Enirogeli.

Josh 18:16 Referencias Cruzadas

2Sam 17:17

Mûvîcî wa Abiatharu ûrîa wetagwa Jonathani marî na mûvîcî wa Zadoku ûrîa wetagwa Ahimaazi metererete marî kîthimarî Kîam Enirogeli vakuvî na Jerusalemu, nîûndû nîmeetigagîra kwonwa magîtonya îtûûrarî. Ndungata îmwe ya mûndûmûka nîyathiîcaga kûrî o na îkameera ûrîa gwekîkaga. Nao nîmaacokaga makathiî kwîra mûthamaki Daudi.

2Sam 5:18

Nao Afilisiti nîmaakinyire Kîamndarî Kîam Refaimu na magîkara kuo.

1Atha 1:9

Adonija nîwathînjîre ng'ondu, ndegwa na tûcaû tûrîa twarî tûnoru îthigarî rîatenderete ta njoka, rîrîa rîrî vakuvî na kîthima Kîam Enirogeli. Nîwetire aa mûrwang'ina onthe, avîcî a mûthamaki na ndungata cionthe cia mûthamaki irîa ciaumîte Juda maûke kîrugorî.

2Atha 23:10

Mûthamaki Josia nîwagwatirie Tofethi mûgiro vandû varîa vaagoocagîrwa ngai cia maveeni Kîamndarî Kîam njiarwa cia Hinomu, nîguo mûndû wa wonthe ndakaarutîre Moleku îtega rîa kûvîvua kûrî mwana wake wa mwanake kana wa mwîrîtu.

1Maû 14:9

Afilisiti nîmaakinyire Kîamndarî Kîam Refaimu na nîmaambîrîrie gûcuuna andû indo ciao.

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Jeremia 19:11

na ûmeere Ngai-Mûnene mwene vinya wonthe augîte atî: nîngaûraga andû aya na îtûûra rîîrî, wata ûrîa mûndû aûragaga nyûngû na ndîngîrûthwa îgatuîka nyûngû ng'ima rîngî. Andû nîmakaathika ciimba ciao Tofethi nîûndû gûtikethîrwa na kûndû kwîngî gwa kûmathika.

Jeremia 19:2

ûcoke ûthiîcanie nao Kîamndarî Kîam mûvîcî wa Hinomu ûtonyerete mwîrîgarî wa Vigae. Wakinya kuo, wanîrîre maûndû marîa nîrakwatha.

Jeremia 19:6

Kwoguo menyani atî, mîthenya nîgûkinya rîrîa vandû ava vatagetwa Tofethi rîngî, kana vetwe Kîamnda Kîam mûvîcî wa Hinomu, nwatî vagetagwa Kîamnda gîa kûraganîra. Nînie Ngai-Mûnene nauga guo.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Josh 15:63

Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.

Josh 18:28

Zela, Haelefu, Jebusi (kana Jerusalemu), Gibea na Kiriathu Jearimu wa vamwe na icagi irîa ciarî vakuvî namo. Mau monthe maarî matûûra manene îkûmi na mana. Ûcio nîguo vûrûri ûrîa mbarî cia mûvîrîga wa Benjamini ciagaîrwe ûtuîke wao.

Atir 1:21

Nwatî andû a mûvîrîga wa Benjamini matiengata Ajebusi arîa maatûûraga Jerusalemu, na kuuma vîndî îo Ajebusi matûûranagia na andû a Benjamini kûu Jerusalemu nginya ûmûnthî.

Atir 1:8

Andû a Juda nîmaatharîkîre îtûûra rîa Jerusalemu na makîrîtava. Nîmaaûragire andû a îtûûra rîu na magîcoka makîrîvîvia.

Atir 19:10

Nwatî Mûlawi ndeendaga kûraara kuo rîngî. Kwoguo nîwocire mûka ûrîa aaigîte, ndungata yake na mvunda ciake cioîrî ikuîte mîrigo na makîambîrîria rûgendo.