Josh 18:13 - ÎVUKU RÎA ÛVORO MWARO

¹³ Kuuma vau mûvaka ûcio nîwacokete ûkathiî ciîkûrûkorî irîa irî na mwena wa îveti wa Luzi (kûrîa gwîtagwa rîngî Betheli). Wauma vau nîwanyûrûrûkîte nginya Atarothu-adari, irîmarî irîa irî îveti rîa Bethi Horoni ya ngurumo.

Josh 18:13 Referencias Cruzadas

Kîam 28:19

Nîwacokire agîtuîrîra vandû vau rîîtwa Betheli. (Nwatî îtûûra rîu mbere rîetagwa Luzi).

Nehemia 11:31

Andû a mûvîrîga wa Benjamini wanao maatûûraga kuuma Geba kûthiî na mbere, Mikimashi, Aija, Betheli na icagi cia rîo,

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.

Josh 16:5

Mbarî cia mûvîrîga wa Efiraimu maagaîrwe vûrûri kuuma Atarothu-Adari mwena wa îrathîro na ûkathiî nginya mwena wa îgûrû wa Bethi Horoni.

Josh 18:14

Mûvaka nîwegatîte ûkathiî na mwena wa îveti umîte mwena wa îthûîro wa kîrîma ûthiîte Kiriathu Baali (kana Kiriathu Jearimu). Kiriathi-jearimu yarî ya mûvîrîga wa Juda. Ûyû nîguo warî mûvaka wa mwena wa Îthûîro.

Josh 18:22

Bethi Araba, Zemaraimu, Betheli,

Josh 21:22

Kibuzaimu, na Bethi-horoni. Matûûra mau monthe maarî mana vamwe na kûndû gwa kûrîthia.

1Sam 13:18

nakîo gîkundi gîa kaîrî gîkîthiî kîrûmîrîrîte njîra îrîa îthiîte Bethi-horoni, nakîo gîkundi kîu kîngî kîroretie mûvakarî ûrîa ûnyûrûrûkîte Kîamndarî Kîam Zeboimu kîerekerete werûrî.