Josh 18:10 - ÎVUKU RÎA ÛVORO MWARO

¹⁰ Joshua nîwaûririe ûtaari kûrî Ngai-Mûnene nîûndû wao. Nîwacokire akîgaîra mîvîrîga îrîa yatigarîte îtarî mîgaîre vûrûri wao, wa mûvîrîga gîcunjî Kîamguo.

Josh 18:10 Referencias Cruzadas

1Maû 24:5

Andû maathuuragwa na njîra ya gwikîrua mîtî nîûndû kwarî na anene a hekarû na atongoria a maûndû ma Ngai kuuma njiarwarî cia Eleazaru na Ethamaru.

Nehemia 11:1

Atongoria a andû a Isiraeli maatûûraga Jerusalemu. Nao andû acio engî nîmaaikirie mîtî nîguo mathuure mbarî îmwe gatagatî ka mbarî îkûmi arîa maarî mathiî gûtûûra Jerusalemu îtûûra rîtheru, nacio mbarî kenda itigwe matûûrarî mau mengî.

Thaburi 47:4

Ngai-Mûnene nîwatûthuurîre vûrûri ûrîa tûtûûraga, îgai rîrîa andû ake arîa endete metîîagîra.

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Nthi 18:18

Gwikia mîtî nî kûthiragia ngarari ciirarî, nî gûtuithanagia ciira gatagatî ka andû aîrî magîkararania na vinya.

Jeremia 7:12

Thiîni wa rîu Shilo, kûrîa nathuurîte mbererî ngocagîrwe kuo na mwone ûrîa nagûcûkangirie nîûndû wa waganu wa andû akwa a Isiraeli.

Ezek 47:22

Mûkaûgaa ûtuîke wenyu na mûgaîre andû a ndûrîrî arîa mûtûûranagia nao na magîrîrîte ciana kuo. Andû acio a ndûrîrî mûkaamatua ta andû a Isiraeli na makaagaîrwa mîgûnda nîguo îtuke yao wata andû acio engî a Isiraeli.

Ezek 48:29

Ngai-Mûnene Ngai nîwaugire atîrî, “Ûcio nîguo vûrûri ûrîa ûkaagaîrwa mîvîrîga ya Isiraeli ûtuîke wao wa mûvîrîga gîcunjî Kîamguo.”

Mika 2:5

Kwoguo rîrîa andû a Ngai-Mûnene magaacokerua mîgûnda, gûtirî gîcunjî mûkagaîrwa na njîra ya kûthîra.

Ndari 34:16

Ngai-Mûnene nîwerire Musa atîrî,

Mathaayo 27:35

Nao nîmaamwambire mûtharavarî na magîcoka makîûthîra nguo ciake na makîigaana.

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Ciîko 13:19

Ngai nîwathiririe ndûrîrî mûgwanja irîa ciarî vûrûrirî wa Kanaani na akîvecana vûrûri ûcio kûrî andû ake.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Akol 1:12

Cokagîriani Îthe wenyu ngatho nîûndû nîamûvotithîtie gûtuîka agîrîru a kûgîa na îgai rîrîa aigîrîte andû ake ûthamakirî wa ûtheri.

Josh 14:2

Musa nîwathîtwe nî Ngai-Mûnene atî vûrûri ûyû ûkaagaanua na njîra ya kûthîrwa. Naguo nîwagaîrwe mîvîrîga kenda na nuthu ya andû a Isiraeli.

Josh 14:5

Andû a Isiraeli maagaire vûrûri ûcio kûringana na ûrîa Ngai-Mûnene aathîte Musa.

Josh 18:11

Mûvîrîga wa Benjamini nîguo warî wa mbere kûgaîrwa. Naguo vûrûri ûrîa maagaîrwe warî gatagatî ka vûrûri ûrîa wagaîrîtwe mûvîrîga wa Juda na ûrîa wagaîrîtwe mûvîrîga wa Josefu.

Josh 18:6

Mwandîke waro ûrîa mûkoona icunjî icio mûgwanja mûke mûmbîre nanie ngaûria Ngai-Mûnene Ngai wetû ûtaaro.

Josh 18:8

Joshua nîwataarire andû arîa maathuurirwe na akîmera atîrî, “Thiîni vûrûrirî wonthe na mwandîke maûndû waro mûcoke mûndetere ûrîa wîkariî nîguo ngaavota kûria Ngai-Mûnene ûrîa ngûûgaania nîrî gûkû Shilo.” Nao andû acio marîkia gûtaarwa nî Joshua nîmaathiîre.

Josh 18:9

Kwoguo andû acio nîmaathiîre na nîmaathiûrûrûkire vûrûri wonthe. Nao nîmaandîkire ûrîa makûgaania vûrûri ûcio icunjî mûgwanja na makîandîka marîîtwa ma matûûra monthe. Nîmaacokire makîthiî Shilo kûrî Joshua kûrîa andû a Isiraeli maambîte magema.

Josh 19:51

Ûguo nîguo Eleazaru mûthînjîri-Ngai na Joshua mûvîcî wa Nuni marî na atongoria a mbarî cia mîvîrîga ya andû a Isiraeli maagaire vûrûri. Maaûgaire na njîra ya kûûthîra maûrîtie ûtaaro kuuma kûrî Ngai-Mûnene marî Shilo mûrangorî wa îgema rîa Ngai-Mûnene. Kwoguo nîmaarîkirie kûûgaa.

Josh 23:4

Ririkanani nîngaîrîte mîvîrîga yenyu vûrûri ûrîa wonthe umîte rûnjîrî rwa Jorodani nginya mwena wa îthûîro îriarî rîa Mediterania ûtuîke wao. Nîmûvete vûrûri wa ndûrîrî irîa twavootire, wana vûrûri wa ndûrîrî irîa tûtavootete.