Josh 18:1 - ÎVUKU RÎA ÛVORO MWARO

¹ Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 18:1 Referencias Cruzadas

2Sam 7:6

Kuuma rîrîa naarutire andû a Isiraeli Misiri nginya ûmûnthî, ndirî natûûra hekarûrî; ndwîre nthiîcaga ngîkaraga îgemarî.

1Atha 14:2

Nake Jeroboamu nîwerire mûka atîrî, “Ûkîra wîgarûre nîguo ndûkamenyeke atî wî mûka wa Jeroboamu, na ûthiî Shilo, nîûndû kûu nîkuo mûrathi Ahija arî. Mûrathi Ahija nîke waugire atî nînie ngaatuîka mûthamaki wa Isiraeli.

1Atha 14:4

Kwoguo mûka wa Jeroboamu nîwathiîre Shilo na agîkinya kwa Ahija mûciî. Vîndî îo Ahija ndaavotaga kwona waro, nîûndû aarî mûkûrû mûno.

1Atha 2:27

Kwoguo Solomoni nîwatigithirie Abiatharu gûtungata arî mûthînjîri-Ngai wa Ngai-Mûnene, na kwoguo Solomoni nîwavingirie ûrîa Ngai-Mûnene aaugîte arî Shilo wîgiî Eli na njiarwa ciake.

Nehemia 9:24

Kwoguo njiarwa ciao nîciatonyire na nîciegwatîre vûrûri ûcio, na nîwavootire andû arîa maatûûraga kuo. Andû acio maarî Akanaani, nîwavere andû aku vinya, nîguo meke wa ûrîa mangîendire andû a Kanaani vamwe na Athamaki.

Thaburi 78:60

Nîwatiganîrie îgema rîake rîrîa rîarî Shilo, kûrîa aatûûraga gatagatîrî ka andû.

Thaburi 78:66

Nîwengatire nthû ciake, na agîtûma itûûre na gîconoko tene na tene.

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”

Jeremia 26:9

Nîndûî gîatûma ûrathe ûkîgwetaga rîîtwa rîa Ngai-Mûnene ûkiugaga ‘hekarû îno îgekara ta Shilo, na îtûûra rîîrî nîrîgûcûkangua rîtuîke îganjo na rîtigwe gûtarî mûndû wa gûtûûra kuo.’ ” Nao andû onthe nîmaagomanire marigicîrîtie Jeremia kûu hekarûrî.

Jeremia 41:5

andû anana maumîte Shekemu, Shilo na Samaria nîmaakinyire. Nao menjetwe nderu, na marî na nguo ndembûkangu na metemangîte mîîrî nîguo monanie atî nîmarenyerekia. Maakuîte matega ma irio cia mîgûnda na ûbani mavirîte hekarûrî ya Ngai-Mûnene.

Ndari 32:22

na mwoce vûrûri ûcio. Mwarîkia gwîka ûguo mûcoke, nîûndû nîmwîthîrwa mûrîkîtie wîra wenyu kûrî Ngai-Mûnene na kûrî andû a Isiraeli. Nake Ngai-Mûnene nîagetîkîra atî vûrûri ûyû ûrî mwena wa îrathîro wa rûnjî rwa Jorodani, nî wenyu.

Ciîko 7:45

Vuvarî methe metû ma tene nîmaamûkîre îgema rîu kuuma kûrî methe mao. Nao nîmaarîkuuire vîndî îrîa maathiîre na Joshua na makîrîkinyia vûrûrirî ûrîa wacokire gûtuîka wao Ngai arîkia kûrutûrûra ndûrîrî irîa ciatûûraga kuo. Narîo nîrîekarire kuo nginya vîndî ya Daudi.

Josh 18:2

Mîvîrîga mûgwanja ya andû a Isiraeli ndîarî mîgaîre vandû.

Josh 18:8

Joshua nîwataarire andû arîa maathuurirwe na akîmera atîrî, “Thiîni vûrûrirî wonthe na mwandîke maûndû waro mûcoke mûndetere ûrîa wîkariî nîguo ngaavota kûria Ngai-Mûnene ûrîa ngûûgaania nîrî gûkû Shilo.” Nao andû acio marîkia gûtaarwa nî Joshua nîmaathiîre.

Josh 19:51

Ûguo nîguo Eleazaru mûthînjîri-Ngai na Joshua mûvîcî wa Nuni marî na atongoria a mbarî cia mîvîrîga ya andû a Isiraeli maagaire vûrûri. Maaûgaire na njîra ya kûûthîra maûrîtie ûtaaro kuuma kûrî Ngai-Mûnene marî Shilo mûrangorî wa îgema rîa Ngai-Mûnene. Kwoguo nîmaarîkirie kûûgaa.

Josh 21:2

Nao nîmaamerire atîrî, “Ngai-Mûnene nîwathanire na njîra ya Musa akiuga tûkaavewa matûûra manene ma kûrîa tûgatûûraga, na tûvewe mavûrûri marîa mamathiûrûrûkîrîtie kûrîa tûkarîthagia ndîthia cietû.”

Josh 22:12

Vîndî îrîa andû a Isiraeli megwire ûvoro ûcio, onthe nîmaagomanire vamwe kûu Shilo, nîguo makarûe na mîvîrîga îo îngî ya mwena wa îrathîro.

Josh 22:19

Nwatî ethîrwa vûrûri wenyu tî mwagîrîru wa kûgoocagîrwa, ûkani vûrûrirî wa Ngai-Mûnene kûrîa Îgema rîake rîrî. Ûkani vûrûrirî wetû na mûthuure vandû mûngîtûûra. Mûtikaregane na Ngai-Mûnene na mûtûme wanatue tûtuîka evia a kûregana nake. Mûtigatume metha îngî ya kîgongoona nîûndû kûrî na metha ya kîgongoona ya Ngai-Mûnene, Ngai wetû.

Josh 22:9

Kwoguo andû a mûvîrîga wa Reubeni, Gadi na nuthu ya mûvîrîga wa Manase mwena wa îrathîro, nîmaatigire andû acio engî a Isiraeli kûu Shilo vûrûrirî wa Kanaani makîthiî kwao vûrûrirî wa Gileadi. Vûrûri ûcio nîguo megwatîre wata ûrîa Ngai-Mûnene aathanîte kûvîtûkîra kûrî Musa.

Atir 18:31

Mûvuanano ûrîa Mika aathondekete wekarire kuo mîthenya yonthe îrîa îgema rîrîa Ngai aagoocagîrwa rîekarire Shilo.

Atir 21:12

Gatagatîrî ka andû a Jabeshi-gileadi nîmeethîrîrie erîtu magana mana (400) maarî nthingi. Kwoguo nîmaamavirire Shilo kûrîa maambîte magema vûrûrirî wa Kanaani.

Atir 21:19

Kwoguo nîmaaririkanire atî kîrugo Kîam Ngai-Mûnene kîrîa kîthondekagwa wa mwaka wa mwaka kûu Shilo kîrî vakuvî. Shilo îrî mwena wa rûgûrû wa Betheli, na mwena wa îveti wa Lebona. Îrî mwena wa îrathîro wa njîra îrîa yumîte Betheli îthiîte Shekemu.

1Sam 1:24

Na vîndî îrîa Hana aatigithirie mwana kwonga, nîwocire Samueli, akiunûkia nake na akîmûvira nyombarî ya Ngai-Mûnene kûu Shilo. Hana akîvira Samueli nîwathiîre na ndegwa yarî na ûkûrû wa mîaka îthatû, ndeve îmwe ya mûtu, na mbooro îcûrîte ndivei.

1Sam 1:3

Elikana nîwamenyerete kûthiî aumîte îtûûrarî rîao wa mwaka wa mwaka akathiî Shilo kûgooca, wa vamwe na kûrutîra Ngai-Mûnene mwene vinya wonthe kîgongoona. Kûu Shilo nîkuo anake aîrî a Eli, Hofini na Finehasi maarî athînjîri-Ngai a Ngai-Mûnene.