Josh 17:4 - ÎVUKU RÎA ÛVORO MWARO

⁴ Nao nîmaathiîre kûrî Eleazaru ûrîa warî mûthînjîri-Ngai, Joshua na kûrî atongoria na makîmeera atîrî, “Ngai-Mûnene nîwathire Musa agaatûgaîra vûrûri ûtuîke wetû wata ûguo aragaîra andû acio engî etû a arûme.” Kwoguo, wata ûguo Ngai-Mûnene aathanîte nîmaagaîrwe vûrûri wao wanao.

Josh 17:4 Referencias Cruzadas

Ndari 27:1

Aarî a Zelofehadi maarî Mahila, Noa, Hogila, Milika, Tiriza. Zelofehadi aarî mûvîcî wa Heferi, Heferi aarî mûvîcî wa Gileadi, Gileadi aarî mûvîcî wa Makiru, Makiru aarî mûvîcî wa Manase, Manase aarî Mûvîcî wa Josefu.

Ndari 27:4

Rîîtwa rîa vava nîrîriganîra Isiraeli nîûndû atî ndaarî na kavîcî? Tûgaîre mîgûnda gatagatîrî ka andû ao.”

Ndari 36:10

Nao erîtu a Zelofehadi nîmeekire wata ûrîa Ngai-Mûnene aathire Musa.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Josh 14:1

Ûyû nîguo mûtaratara wa ûrîa vûrûri wa Kanaani wagaanirue gatagatîrî ka andû a Isiraeli. Vûrûri ûcio warî mwena wa îthûîro wa rûnjî rwa Jorodani. Mûthînjîri-Ngai Eleazaru, Joshua mûvîcî wa Nuni na atongoria a mbarî cia mîvîrîga ya Isiraeli nîmaagaire vûrûri ûcio kûringana na andû ao.

Josh 17:5

Kwoguo mûvîrîga wa Manase nîwagaîrwe icunjî îkûmi cia vûrûri ûrîa warî mwena wa îthûîro rîa rûnjî rwa Jorodani, wa vamwe na Gileadi na Bashani irîa ciarî mwena wa îrathîro wa rûnjî rwa Jorodani,

Josh 21:1

Atongoria a mbarî cia Lawi nîmaathiîre Shilo vûrûrirî wa Kanaani kûrî Eleazaru mûthînjîri-Ngai na kûrî Joshua mûvîcî wa Nuni na atongoria a mbarî cionthe cia mîvîrîga ya andû a Isiraeli.