Josh 17:16 - ÎVUKU RÎA ÛVORO MWARO

¹⁶ Nacio njiarwa cia Josefu nîciacokerie Joshua atîrî, “Vûrûri ûrîa ûrî irîma tî mûnene wa gûtwîgana. Nwatî vûrûri ûrîa mwaraganu wa Bethi Sheani na matûûra marîa maûthiûrûrûkîrîtie na Kîamnda Kîam Jezireeli gûtûûraga Akanaani. Andû acio marî na ikaari cia mbarathi cia cuuma.”

Josh 17:16 Referencias Cruzadas

1Atha 18:45

Vuva wa kavinda kanini îgûrû nîrîathimbire nîûndû wa matu mairû na rûkûngi, na mbura nene nîyaurire. Nake Ahabu nîwatwîre gîkaarirî gîake na akîthiî Jezireeli.

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

1Atha 21:1

Nabothi ûrîa Mûjezireeli aarî na mûgûnda wa mîthavibu kûu Jezireeli vakuvî na mûciî wa Ahabu, mûthamaki wa Samaria.

1Atha 21:23

Naguo ûvoro wîgiî Jezebeli, Ngai-Mûnene arauga atî ngui nîikaarîîra mwîrî wake îtûûrarî rîa Jezireeli.

1Atha 4:12

Baana, mûvîcî wa Ahiludi aathanaga matûûra marîa manene ma Taanaki, Megido na Bethishani kuonthe kûrîa kwarî vakuvî na Zarethani, îrîa îrî mwena wa îveti wa îtûûra rîa Jezireeli, na kuuma Bethishani nginya Abeli-mehola na mwena ûcio wîngî wa Jokimeamu.

2Atha 9:10

Jezebeli ndakaathikwa; kimba gîake gîkaarîrwa vûrûrirî wa Jezireeli nî ngui.’ ” Rîrîa mûrathi aarîkîrîrie kuga ûguo, nîwarugûrire mûrango akiuma nyomba na akîûra na îvenya.

2Atha 9:37

nakîo kimba gîake gîkaanyagarûka ta mai mûgûndarî kûu vûrûrirî wa Jezireeli, na gûtirî mûndû ûkaavota gûkîmenya’ ”

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Josh 15:56

Jezireeli, Jokideamu, Zanoa,

Josh 17:11

Mavûrûrirî marîa maagaîrwe Isakaru na Asheri kwarî na matûûra manene na icagi irîa ciarî vakuvî namo na maagaîrîtwe mûvîrîga wa Manase. Matûûra mau maarî: Bethi Shani na Ibileamu, Doru (rîrîa rîrî rûtere rwa îria), Endoru, Taanaki, Megido, vamwe na icagi irîa ciarî vakuvî namo.

Josh 17:15

Joshua nîwamacokerie atîrî, “Ethîrwa mûrî eengî na vûrûri wa Efiraimu ûrîa ûrî irîma nî mûnini mûno ndûngîmwîgana, thiîni vûrûrirî wa Aperizi na Refaimu kûu mûtitûrî mûkethererie kîthaka kuo ûtuîke wenyu.”

Josh 17:17

Joshua nîwacokire akîra njiarwa cia Josefu, na nîo mûvîrîga wa Efiraimu na wa Manase atîrî, “Mue mûrî eengî na mûrî na vinya mûno. Nîmûkwongererwa îgai rîenyu.

Josh 17:18

Vûrûri ûrîa ûrî irîma nîûtuîka wenyu. Wana ethîrwa nî mûtitû, mue mûkaaûtheria na ûtuîke wenyu wonthe. Naguo ûvoro wîgiî andû a Kanaani, wana ethîrwa marî na ikaari cia mbarathi cia cuuma na marî na vinya nîmûkaamengata maume kuo.”

Josh 19:18

Vûrûri wao wanyitîte matûûra ma Jezireeli, Kesulothu, Shunemu,

Atir 1:19

Ngai-Mûnene nîwavotithirie andû a Juda kûnyita vûrûri ûrîa ûrî irîmarî, nwatî matiavota kûvoota andû arîa maatûûraga kûndû kûrîa kwaraganu nîûndû maarî na ikaari cia mbaara cia cuuma.

Atir 4:13

nîwaûnganirie ikaari ciake magana kenda (900) cia mbaara cia cuuma, na andû onthe arîa maarî nake maume Haroshethu-hagoimu mathiî rûnjîrî rwa Kishoni.

Atir 4:3

Jabini aarî na ikaari magana kenda cia mbaara cia cuuma na nîwavinyîrîrie andû a Isiraeli îvinda rîa mîaka mîrongo îrî. Nao Aisiraeli nîmaakaîre Ngai-Mûnene amavonokie.

Atir 6:33

Amidiani onthe; Amaleki na andû arîa maatûûraga mwena wa îrathîro nîmaacokire makîûngana vamwe. Nîmaaringire Jorodani na makîamba magema Kîamndarî Kîam Jezireeli.

1Sam 29:1

Afilisiti nîmaaûnganirie athigari ao a mbaara vamwe kûu Afeku, nao Aisiraeli makîamba magema mao vakuvî na kîthima kîrîa Kîamrî Kîamndarî Kîam Jezireeli.