Josh 17:13 - ÎVUKU RÎA ÛVORO MWARO

¹³ Rîrîa andû a Isiraeli maagîre vinya matiengata Akanaani onthe kuuma kuo, nwatî andû a Isiraeli nîmaamarutithagia wîra na vinya.

Josh 17:13 Referencias Cruzadas

Kîam 49:15

Ke oonire atî varîa aanogokete varî varo, na akîona vûrûri ûcio ûrî mûthaka. Kwoguo nîwakuamîrîrie nîguo akuue mîrigo, na nîwarutithagua wîra na vinya ta ngombo.

2Sam 3:1

Mbaara nîyathiîre na mbere kavinda karaca gatagatîrî ka andû arîa maarî mwena wa Saûlo na arîa maarî mwena wa Daudi. Daudi na andû ake nîmaakîrîrîrie kûgîa vinya, nwatî Saûlo na andû ake magîkîrîrîria kûthira vinya.

1Atha 9:21

vamwe na njiarwa ciao irîa ciatigarire vûrûrirî wa Kanaani irîa andû a Isiraeli mataavota kûthiria viû nîmaarutithagua wîra na vinya nî Solomoni, na nwaguo matwîre nginya ûmûnthî.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Afil 4:13

Nwambîke maûndû monthe na njîra ya ûrîa ûmvecaga vinya.

Josh 16:10

Kûnarî ûguo mûvîrîga wa Efiraimu ndwengata andû a Kanaani arîa matûûraga Gezeri. Andû acio nwa maathiîre na mbere gûtûûra kuo vamwe na andû a mûvîrîga wa Efiraimu. Akanaani matûûraga kuo na nîmarutithagua wîra na vinya marî ngombo.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

Atir 1:28

Rîrîa Aisiraeli maagîre na vinya, nîmaarutithirie Akanaani mawîra na vinya, nwatî matiamengata onthe viû.

Atir 1:30

Andû a mûvîrîga wa Zebuluni matiengata andû arîa maatûûraga Kitironi kana arîa maatûûraga Nahalali, kwoguo Akanaani nîmaathiîre na mbere gûtûûrania na Azebuluni kuo. Nao Azebuluni nîmaarutithagia Akanaani wîra na vinya.

Atir 1:33

Nao andû a mûvîrîga wa Nafutali matiengata andû arîa maatûûraga matûûrarî ma Bethishemeshi na Bethianathu. Maatûûranirie na Akanaani arîa maatûûraga vûrûrirî ûcio, nwatî nîmaarutithagia Akanaani acio wîra na vinya.

Atir 1:35

Amori nîmaathiîre na mbere gûtûûra Aijaloni, Sha-alibimu, na kîrîmarî Kîam Herihezi. Nwatî andû a mîvîrîga ya Efiraimu na Manase nîmaamavootire na nîmaarutithagia Amori acio wîra na vinya.