Josh 16:5 - ÎVUKU RÎA ÛVORO MWARO

⁵ Mbarî cia mûvîrîga wa Efiraimu maagaîrwe vûrûri kuuma Atarothu-Adari mwena wa îrathîro na ûkathiî nginya mwena wa îgûrû wa Bethi Horoni.

Josh 16:5 Referencias Cruzadas

2Sam 2:9

Nao marî kûu, Abineri nîwatuire Ishiboshethu mûthamaki wa mavûrûri ma Gileadi, Aashuri, Jezireeli, Efiraimu, Benjamini na Isiraeli kuonthe.

1Maû 7:24

Efiraimu aarî na mwarî wetagwa Sheera. Sheera nîke watumire matûûra ma Bethi-horoni ya mwena wa îgûrû na ya mwena wa îveti, na agîtuma îtûûra rîa Uzeni Sheera.

1Maû 7:28

Vûrûri ûrîa meegwatîre ûtuîke wao na magîtûûra kuo wanyitîte Betheli vamwe na matûûra marîa maarîthiûrûrûkîrîtie kûthiî na mwena wa îrathîro nginya Naarani. Nakuo mwena wa îthûîro wakinyîte îtûûrarî rîa Gezeri vamwe na matûûra marîa maarîthiûrûrûkîrîtie. Nîwathiîte ûkîgwata matûûra manene ta, Shekemu na Aya na matûûra marîa maamathiûrûrûkîrîtie.

Ezek 48:5

Gîcunjî kîrîa kîriganîtie na mûvîrîga wa Manase kuuma mwena wa îrathîro nginya îthûîro Kîamgaîrwe mûvîrîga wa Efiraimu.

Josh 10:10

Ngai-Mûnene nîwatûmire Amori mamake mona athigari a mbaara a Isiraeli. Athigari a Isiraeli nîmaaûragire eengî kûu Gibeoni na nîmaavinyûririe mavîtûkîrîrîte mwanyarî wa kîrîma vandû vetagwa Bethi-horoni. Nîmaathiîre na mbere kûmatharîkîra nginya mwena wa îveti matûûrarî ma Azeka na Makeda.

Josh 16:2

Kuuma Betheli nîwathiîte kinya Atarothi Adari ûvîtûkîrîte Luzi. Atarothi Adari nîkuo gwatûûraga Ariki.

Josh 18:13

Kuuma vau mûvaka ûcio nîwacokete ûkathiî ciîkûrûkorî irîa irî na mwena wa îveti wa Luzi (kûrîa gwîtagwa rîngî Betheli). Wauma vau nîwanyûrûrûkîte nginya Atarothu-adari, irîmarî irîa irî îveti rîa Bethi Horoni ya ngurumo.