Josh 16:3 - ÎVUKU RÎA ÛVORO MWARO

³ Nîwacokete ûkathiî na mwena wa îthûîro vûrûri wa Jafileti na ûkîthiî nginya Bethi Horoni ya mwena wa ngurumo. Nîwavîtûkîte kinya Gezeri na ûkîthirîra îriarî rîa Mediterania.

Josh 16:3 Referencias Cruzadas

1Maû 20:4

Vuvarî nîkwagîre mbaara Gazeri gatagatî ka Isiraeli na Afilisiti. Nake Sibekai ûrîa warî kuuma Husha nîwaûragire Sipai, ûmwe wa andû arîa maarî anene mûno a Filisiti. Nao Afilisiti nîmaavootirwe.

1Maû 7:24

Efiraimu aarî na mwarî wetagwa Sheera. Sheera nîke watumire matûûra ma Bethi-horoni ya mwena wa îgûrû na ya mwena wa îveti, na agîtuma îtûûra rîa Uzeni Sheera.

1Maû 7:28

Vûrûri ûrîa meegwatîre ûtuîke wao na magîtûûra kuo wanyitîte Betheli vamwe na matûûra marîa maarîthiûrûrûkîrîtie kûthiî na mwena wa îrathîro nginya Naarani. Nakuo mwena wa îthûîro wakinyîte îtûûrarî rîa Gezeri vamwe na matûûra marîa maarîthiûrûrûkîrîtie. Nîwathiîte ûkîgwata matûûra manene ta, Shekemu na Aya na matûûra marîa maamathiûrûrûkîrîtie.

2Maû 8:5

Solomoni nîwacokire agîtuma Bethi Horoni ya mwena wa îgûrû na Bethi Horoni ya mwena wa ngurumo. Nîwamairigîre na nthingo, na agîkîra ivingo cia cuuma.

Ndari 34:6

“Mûvaka wenyu wa mwena wa îthûîro ûkeethîrwa ûrî îria rîa Mediterania.

Josh 10:33

Mûthamaki Horamu wa Gezeri nîwaûkire gûtethia andû a Lakishi kûrûa. Nwatî Joshua nîwavootire mûthamaki Horamu na athigari ake a mbaara na akîmaûraga onthe. Gûtirî wana ûmwe watigarire arî mwoyo.

Josh 18:13

Kuuma vau mûvaka ûcio nîwacokete ûkathiî ciîkûrûkorî irîa irî na mwena wa îveti wa Luzi (kûrîa gwîtagwa rîngî Betheli). Wauma vau nîwanyûrûrûkîte nginya Atarothu-adari, irîmarî irîa irî îveti rîa Bethi Horoni ya ngurumo.

1Sam 13:18

nakîo gîkundi gîa kaîrî gîkîthiî kîrûmîrîrîte njîra îrîa îthiîte Bethi-horoni, nakîo gîkundi kîu kîngî kîroretie mûvakarî ûrîa ûnyûrûrûkîte Kîamndarî Kîam Zeboimu kîerekerete werûrî.