Josh 15:8 - ÎVUKU RÎA ÛVORO MWARO

⁸ Nîwacokete ûkathiîrîra Kîamndarî Kîam Hinomu na mwena wa îveti wa kîrîma kîrîa gîatumîtwe îtûûra înene rîa Ajebusi rîrîa rîtagwa Jerusalemu. Mûvaka nîwacokete ûkathiîra kîrîmarî kîu îgûrû na mwena wa îthûîro wa Kîamnda Kîam Hinomu kinya mûthiia wa Kîamnda Kîam Refaimu.

Josh 15:8 Referencias Cruzadas

2Sam 5:18

Nao Afilisiti nîmaakinyire Kîamndarî Kîam Refaimu na magîkara kuo.

2Sam 5:22

Nao Afilisiti nîmaacokire rîngî Kîamndarî Kîam Refaimu na magîkara kuo.

2Atha 23:10

Mûthamaki Josia nîwagwatirie Tofethi mûgiro vandû varîa vaagoocagîrwa ngai cia maveeni Kîamndarî Kîam njiarwa cia Hinomu, nîguo mûndû wa wonthe ndakaarutîre Moleku îtega rîa kûvîvua kûrî mwana wake wa mwanake kana wa mwîrîtu.

1Maû 11:4

Mûthamaki Daudi na Aisiraeli onthe nîmaathiîre na makîtharîkîra îtûûra rîa Jerusalemu rîrîa vîndî îo rîetagwa Jebusi. Îtûûra rîu rîatûûragwa nî Ajebusi.

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

Nehemia 11:30

na Zanoa, Adulamu vamwe na icagi irîa ciathiûrûrûkîrîtie matûûra mau. Nîmaatûûraga Lakishi na mîgûndarî îrîa yarî vakuvî, na Azeka na icagi irîa ciarî vakuvî. Kwoguo andû a Juda maatûûraga vûrûrirî ûrîa warî gatagatî ka Beerisheba na nginya Kîamndarî Kîam Hinomu.

Isaia 17:5

Isiraeli îkethîrwa îkariî ta mûgûnda mûkethe ngano, ageekwa ta mûkethi wa ngano, îkethîrwa îkariî ta mûgûnda mûkethe Kîamndarî Kîam Refaimu.

Jeremia 19:14

Nake Jeremia nîwacokire akiuma Tofethi kûrîa Ngai-Mûnene aamûtûmîte akanîrîre ndûmîrîri yake, na akîthiî akîrûgama nyombarî ya Ngai-Mûnene na akîîra andû onthe atîrî,

Jeremia 19:2

ûcoke ûthiîcanie nao Kîamndarî Kîam mûvîcî wa Hinomu ûtonyerete mwîrîgarî wa Vigae. Wakinya kuo, wanîrîre maûndû marîa nîrakwatha.

Jeremia 19:6

Kwoguo menyani atî, mîthenya nîgûkinya rîrîa vandû ava vatagetwa Tofethi rîngî, kana vetwe Kîamnda Kîam mûvîcî wa Hinomu, nwatî vagetagwa Kîamnda gîa kûraganîra. Nînie Ngai-Mûnene nauga guo.

Josh 15:63

Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.

Josh 18:16

Kuuma ithimarî cia Nefutoa nîwanyûrûrûkîte ûkathiî nthî ya kîrîma kîrîa kîgiritanîtie na Kîamnda Kîam Hinomu mûthiiarî wa Kîamnda Kîam Refaimu mwena wa rûgûrû. Nîwacokete ûkathiî mwena wa îveti ûvîtûkîrîrîte Kîamndarî Kîam Hinomu mwena wa îveti îtûûra rîa Ajebusi warekerete Enirogeli.

Josh 18:28

Zela, Haelefu, Jebusi (kana Jerusalemu), Gibea na Kiriathu Jearimu wa vamwe na icagi irîa ciarî vakuvî namo. Mau monthe maarî matûûra manene îkûmi na mana. Ûcio nîguo vûrûri ûrîa mbarî cia mûvîrîga wa Benjamini ciagaîrwe ûtuîke wao.

Atir 1:21

Nwatî andû a mûvîrîga wa Benjamini matiengata Ajebusi arîa maatûûraga Jerusalemu, na kuuma vîndî îo Ajebusi matûûranagia na andû a Benjamini kûu Jerusalemu nginya ûmûnthî.

Atir 1:8

Andû a Juda nîmaatharîkîre îtûûra rîa Jerusalemu na makîrîtava. Nîmaaûragire andû a îtûûra rîu na magîcoka makîrîvîvia.

Atir 19:10

Nwatî Mûlawi ndeendaga kûraara kuo rîngî. Kwoguo nîwocire mûka ûrîa aaigîte, ndungata yake na mvunda ciake cioîrî ikuîte mîrigo na makîambîrîria rûgendo.