Josh 15:11 - ÎVUKU RÎA ÛVORO MWARO

¹¹ Nîwacokire ûkîvîtûka Timina na ûkathiî nginya îriarî rîa Mediterania. Mbere ya ûkinya îriarî rîa Mediterania nîwavîtûkîrîrîte kîrîmarî îgûrû kîrîa kîrî mwena wa rûgûrû wa Ekironi, nîwegatire ûthiîrîrîte Shikeroni, kîrîmarî Kîam Baali na ûkîthiî ûgîkinya Jamunia na ûkîthirîra îriarî rîa Mediterania.

Josh 15:11 Referencias Cruzadas

2Atha 1:16

na akîra mûthamaki atîrî, “Ngai-Mûnene akwîrîte atî nîûndû nîwatûmire anjaama makaûrie ûtaaro kûrî Baalizebubu, ngai ya Ekironi takwa Isiraeli gûtarî ngai îngîûrua ûtaaro, we tîûvora mûrimû ûyû waku, nwatî nîûgûkua!”

2Atha 1:6

Nao nîmaamûcokerie atîrî, “Kûrî mûndûmûrûme ûtûtûngire na atwîra tûcoke kûrî mûthamaki ûcio ûtûtûmîte na tûmwîre atî Ngai-Mûnene augîte atîrî, ‘Nîkwa gûtarî ngai gûkû Isiraeli atî nîguo ûtûme anjaama mathiî makaûrie ûtaaro kûrî Baalizebubu, ngai ya Ekironi? Kwoguo tîûvora mûrimû ûyû waku, nwatî nama we nîûgûkua!’ ”

2Maû 26:6

Uzia nîwarûire na Afilisiti na akîomomora nthingo irîa ciairigîrîte îtûûra rîa Gathu, Jabune na îtûûra rîa Ashidodi. Nîwacokire agîtuma matûûra mengî manene vakuvî na Ashidodi na kûndû kwîngî vûrûrirî wa Filisiti.

Ndari 34:6

“Mûvaka wenyu wa mwena wa îthûîro ûkeethîrwa ûrî îria rîa Mediterania.

Josh 15:10

Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

Josh 15:12

Îria rîa Mediterania nîrîo rîarî mûvaka wa vûrûri wa Juda na mwena wa îthûîro. Îo nîyo mîvaka ya vûrûri ûrîa wagaîrwe mbarî cia Juda.

Josh 15:45

Îtûûra înene rîa Ekironi na matûûra manini na icagi irîa ciarî vakuvî na îtûûra rîu,

Josh 15:9

Kuuma vau mûvaka wa Juda nîwathiîrîrîte ithimarî cia Nefutoa, na ûkathiîra matûûrarî marîa marî vakuvî na kîrîma Kîam Efironi. Wakinya vau nîwacokete ûkegata ûkathiî werekere Baala îrîa îtagwa (Kiriathi-jearimu.)

Atir 1:18

Andû a mûvîrîga wa Juda nîmaavootire matûûra ma Gaza, Ashikeloni, Ekironi na mavûrûri marîa maamathiûrûrûkîrîtie.

1Sam 17:52

Nao andû a Isiraeli na Juda nîmaathiîre makiugagîrîria na makîngata Afilisiti, makîmakinyia nginya Gathu na ivingorî cia Ekironi. Afilisiti arîa maativangîtue maagûcaga njîrarî kuuma Sha-araimu nginya Gathu na Ekironi.

1Sam 5:10

Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”

1Sam 5:8

Kwoguo nîmaatûmire anjaama mathiî magete athamaki onthe atano a Afilisiti maûke vamwe. Nao nîmaaûririe athamaki acio atîrî, “Rîu nîtwîka atîa na îthandûkû rîrî rîa Kîrîkanîro rîa Ngai wa Isiraeli?” Nao athamaki makiuga atîrî, “Ocani Îthandûkû rîa Ngai wa Isiraeli na mûrîvire Gathu.” Kwoguo nîmaakuire îthandûkû rîa Ngai wa Isiraeli na makîrîvira Gathu; Gathu rîarî îtûûra rîngî rîa kûu Filisiti.

1Sam 7:14

Namo matûûra monthe ma Isiraeli marîa maatavîtwe nî Afilisiti, kwambîrîria Ekironi nginya Gathu magîcokerua Aisiraeli. Kwoguo Aisiraeli nîmoocire rîngî mavûrûri marîa maatavîtwe nî Afilisiti. Nakuo gûkîthîrwa kûrî na thayû gatagatîrî ka Aisiraeli na Aamori.