Josh 14:9 - ÎVUKU RÎA ÛVORO MWARO

⁹ Nîûndû nînathîkire, Musa nîwambîrîre nama atî vûrûri ûrîa naakinyire na magûrû makwa nîûgaatuîka wakwa na ciana ciakwa tene na tene nîûndû nînatuîkire mwîvokeku kûrî Ngai-Mûnene, Ngai wakwa.

Josh 14:9 Referencias Cruzadas

Thaburi 37:9

Andû arîa mekaga maûndû macûku nîmagaacûkangua, nwatî arîa mevokete Ngai-Mûnene nîo makegwatîra nthî.

Ndari 13:22

Nîmaaunûkirie makîthiî mwena wa Negebu na magîkinya Heburoni. Kûu nîkuo meethîrîrie Ahimani, Sheshai, na Talimai njiarwa cia Anaki. (Heburoni yatumirwe mîaka mûgwanja mbere ya Zoani îrîa îrî Misiri.)

Gûco 1:36

Kalebu mûvîcî wa Jefune, nîke wenga tu ûgaatonya vûrûrirî ûcio. Ke ethîrîtwe arî mwîvokeku kûrî nie na nîngaamûva wa vamwe na njiarwa ciake vûrûri ûcio aathiganire.’

Gûco 11:24

Kûrîa kuonthe mûkaavîtûkîrîra, gûkethîrwa kûrî kwenyu. Vûrûri wenyu ûkeethîrwa umîte werûrî nginya Lebanoni, na kuuma rûnjîrî rwa Farati nginya îria rîa Mediterania mwena wa îthûîro.

Josh 1:3

Kûrîa kuonthe mûgaakinya na magûrû menyu ngamûva kuo wata ûrîa nerîîre Musa.

Josh 14:10

Nwatî rîu taroria, mîaka mîrongo îna na îtano nîmîthiru kuuma rîrîa Ngai-Mûnene eerire Musa ûguo vîndî îrîa andû a Isiraeli maavîtûkîrîrîte werûrî. Rîu nîrî na ûkûrû wa mîaka mîrongo înana na îtano na Ngai-Mûnene nîambigîte mwoyo nginya ûmûnthî.

Atir 1:20

Kalebu nîwaverwe îtûûra rîa Heburoni wata ûrîa Musa aaugîte. Nake Kalebu nîwengatire avîcî athatû a Anaki kuuma kuo.