Josh 12:6 - ÎVUKU RÎA ÛVORO MWARO

⁶ Musa ndungata ya Ngai-Mûnene na andû a Isiraeli nîmaavootire athamaki acio aîrî. Nîwacokire akîgaa vûrûri ûcio akîûnengera andû a mûvîrîga wa Reubeni, Gadi na nuthu ya mûvîrîga wa Manase ûtuîke wao.

Josh 12:6 Referencias Cruzadas

1Atha 4:19

Geberi mûvîcî wa Uri aathanaga vûrûrirî wa Gileadi. Vûrûri wa Gileadi mbererî wathagwa nî mûthamaki Sihoni wa Amori, na Ogu mûthamaki wa Bashani. Vûrûri wonthe wa Juda wathagwa nî mûnene ûmwe.

Ndari 32:29

“Ethîrwa andû a mûvîrîga wa Gadi na wa Reubeni nîmakaaringa rûnjî rwa Jorodani vamwe namue, marî na indo ciao cia mbaara na matongoretue nî Ngai-Mûnene, nîmûkaavootana na mwoce vûrûri ûcio, mûcoke mûûve andû a mûvîrîga wa Gileadi ûtuîke wao.

Ndari 32:32

Nîtûkûthiî tûtongoretue nî Ngai-Mûnene tûkinye vûrûri wa Kanaani tûrî na indo cietû cia mbaara na tûrûe. Naguo vûrûri ûyû ûrî mwena wa îrathîro wa Jorodani nîwîthîrwa ûrî wetû.”

Ndari 32:33

Kwoguo Musa nîwavere andû a mûvîrîga wa Gadi na wa Reubeni, na nuthu ya mûvîrîga wa Manase mûvîcî wa Josefu, vûrûri wonthe wa Mûthamaki Sihoni wa Amori na vûrûri wa Ogu, Mûthamaki wa Bashani vamwe na matûûra ma mavûrûri mau, na matûûra marîa mengî maariganîtie namo.

Josh 14:3

Musa nîwarîkîtie kûgaania vûrûri ûrîa warî mwena wa îrathîro wa rûnjî rwa Jorodani wagaîrîtwe mîvîrîga îrî na nuthu ya andû a Isiraeli, nwatî mûvîrîga wa Lawi ndwagaîrwa kûndû vamwe nao.

Josh 18:7

Mûvîrîga wa Lawi ndûkaagaîrwa îgai mîvîrîga îo îngî îkîgaîrwa nîûndû îgai rîao nî gûtungata marî athînjîri-Ngai. Nayo mîvîrîga ya Gadi, Reubeni na nuthu ya mûvîrîga wa Manase nîagwatu îgai rîao rîrîa meerîrwe. Nîmaagaîrwe vûrûri ûrîa ûrî mwena wa îrathîro wa rûnjî rwa Jorodani nî Musa ndungata ya Ngai-Mûnene.”

Josh 22:4

Rîu Ngai-Mûnene, Ngai wenyu nîatûmîte andû enyu Aisiraeli matûûre marî na thayû wata ûrîa aameerîre. Kwoguo thiîni kwenyu mûciî vûrûrirî ûrîa watuîkire waku. Vûrûri ûcio nî ûrîa Musa ndungata ya Ngai-Mûnene aamûveere mûringo ûrîa wîngî wa rûnjî rwa Jorodani.