Josh 12:1 - ÎVUKU RÎA ÛVORO MWARO

¹ Andû a Isiraeli nîmaavootire athamaki a vûrûri ûrîa ûrî mwena wa îrathîro wa rûnjî rwa Jorodani na nîmeenyitîre vûrûri ûcio. Vûrûri ûcio waumîte Kîandarî Kîam Arinoni nginya kîrîmarî Kîam Herimoni mwena wa rûgûrû na vûrûri wonthe wa Araba mwena wa îrathîro. Athamaki acio maarî aîrî.

Josh 12:1 Referencias Cruzadas

1Atha 4:19

Geberi mûvîcî wa Uri aathanaga vûrûrirî wa Gileadi. Vûrûri wa Gileadi mbererî wathagwa nî mûthamaki Sihoni wa Amori, na Ogu mûthamaki wa Bashani. Vûrûri wonthe wa Juda wathagwa nî mûnene ûmwe.

Thaburi 133:3

Nîta îme rîa kîrîma Kîam Herimoni, rîrîa rîgûcaga irîmarî cia Zayuni. Kûu nîkuo Ngai-Mûnene eranîrîte nîakaarathima andû ake, na kûmava ûtûûro ûtathiraga.

Thaburi 136:21

na akîvecana vûrûri wao kûrî andû ake; nîûndû wendo wake ûtathiraga ûtûûraga tene na tene;

Thaburi 89:12

Nîwe waûmbire mwena wa rûgûrû wana mwena wa îveti, kîrîma gîa Taboru na gîa Herimoni nîirakwinîra na gîkeno.

Isaia 16:2

Ta ûrîa iconi ciûrûraga ciomba ciacio itharîtue, nwaguo aka a Moabu maagagîte marî mariûkorî ma Arinoni.

Ndari 21:13

Nîmaacokire makiuma kûu makîthiî na magîkara mwena wa rûgûrû wa rûnjî rwa Arinoni rûrîa rûvîtûkîrîrîte werûrî wa Amori. (Arinoni nîguo warî mûvaka wa Amoabu na Aamori.)

Ndari 21:21

Andû a Isiraeli nîmaatûmire anjaama kûrî Sihoni mûthamaki wa Amori makamwîre atîrî,

Ndari 21:24

Nwatî andû a Isiraeli nîmaamaûragire, makîmavoota na makîîgwatîra vûrûri wa Amori ûgîtuîka wao, kuuma rûnjîrî rwa Arinoni nginya karûnjîrî ka Jaboku. Maatavire vûrûri ûcio wonthe nginya mûvakarî wa Aamoni ûrîa wagitîrîtwe mûno.

Ndari 32:19

Tûtigooca kûrîa maagaîrwe mwena wa îthûîro wa Jorodani, nîûndû tûrî anyitu îgai rîetû mwena ûyû wa îrathîro wa Jorodani.”

Ndari 32:32

Nîtûkûthiî tûtongoretue nî Ngai-Mûnene tûkinye vûrûri wa Kanaani tûrî na indo cietû cia mbaara na tûrûe. Naguo vûrûri ûyû ûrî mwena wa îrathîro wa Jorodani nîwîthîrwa ûrî wetû.”

Ndari 32:33

Kwoguo Musa nîwavere andû a mûvîrîga wa Gadi na wa Reubeni, na nuthu ya mûvîrîga wa Manase mûvîcî wa Josefu, vûrûri wonthe wa Mûthamaki Sihoni wa Amori na vûrûri wa Ogu, Mûthamaki wa Bashani vamwe na matûûra ma mavûrûri mau, na matûûra marîa mengî maariganîtie namo.

Gûco 2:24

“Twarîkia kûvîtûka vûrûri wa Moabu, Ngai-Mûnene nîwatwîrire atî, ‘Rîu ambîrîriani kûringa rûnjî rwa Arinoni. Nîngûnenganîra Sihoni, mûthamaki wa Aamori kuuma Heshiboni vamwe na vûrûri wake kûrî mue. Mûtharîkîreni na mwoce vûrûri wake.

Gûco 2:32

Sihoni nîwaumîrire na athigari ake onthe a mbaara kûrûa natue, vakuvî na îtûûra rîa Jahazi.

Gûco 3:1

“Nîtwacokire tûkîthiî mwena wa rûgûrû twerekerete vûrûri wa Bashani. Nake mûthamaki Ogu nîwaûkire na athigari ake onthe a mbaara kûrûa natue vakuvî na îtûûra rîa Edirei.

Gûco 4:44

Ûyû nîguo watho ûrîa Musa aaveere andû a Isiraeli.

Gûco 4:46

Vîndî îo maarî Kîamndarî mwena wa îrathîro wa rûnjî rwa Jorodani kwerekera Bethi-peori. Vûrûri ûyû wathagwa nî Sihoni, mûthamaki wa Amori, ûrîa wathanaga arî îtûûrarî rîa Heshiboni. Sihoni nîwavootirwe nî Musa na andû a Isiraeli marîkia kuuma Misiri.

Gûco 4:48

Vûrûri ûcio wambîrîrîtie îtûûra rîa Aroeri rûtere rwa Rûnjî rwa Arinoni, nginya kîrîmarî gîa Sirioni

Josh 1:15

nginya rîrîa megwatîre vûrûri ûrîa ûrî mwena wa îthûîro wa rûnjî rwa Jorodani. Vûrûri ûcio nîguo Ngai-Mûnene Ngai wenyu akûmava na marîkia kwîgwatîra vûrûri ûcio, namue nîmûgaacoka mûtûûre vûrûrirî ûrîa Musa ndungata ya Ngai aamûveere ûrîa ûrî mwena wa îrathîro rîa Jorodani ûtuîke wenyu.”

Josh 11:17

Joshua nîwanyitire na akîûraga athamaki onthe a mavûrûri mau kuuma kîrîmarî Kîam Halaku mwena wa îveti vakuvî na vûrûri wa Edomu nginya Baali-gadi mwena wa rûgûrû Kîamndarî Kîam Lebanoni mwena wa îveti wa kîrîma Kîam Herimoni.

Josh 11:3

Jabini nîwatûmanire wana kûrî Akanaani arîa maarî mwena wa îrathîro na wa îthûîro wa rûnjî rwa Jorodani. Nîwacokire agîtûmana kûrî Amori, Ahiti, Aperizi, Ajebusi arîa maarî vûrûrirî ûrîa ûrî irîma na kûrî Ahivi arîa maatûûraga nthî ya kîrîma Kîam Herimoni vûrûrirî wa Mizipa.

Josh 13:8

Musa ndungata ya Ngai-Mûnene nîwagaîrîte mûvîrîga wa Reubeni na wa Gadi na nuthu îmwe ya mûvîrîga wa Manase vûrûri ûtuîke wao. Vûrûri ûcio warî mwena wa îrathîro rîa rûnjî rwa Jorodani.

Josh 22:4

Rîu Ngai-Mûnene, Ngai wenyu nîatûmîte andû enyu Aisiraeli matûûre marî na thayû wata ûrîa aameerîre. Kwoguo thiîni kwenyu mûciî vûrûrirî ûrîa watuîkire waku. Vûrûri ûcio nî ûrîa Musa ndungata ya Ngai-Mûnene aamûveere mûringo ûrîa wîngî wa rûnjî rwa Jorodani.

Atir 11:18

Nîmaacokire makîthiî na mbere mavîtûkîrîrîte werûrî. Nîmaathiûrûrûkire vûrûri wa Edomu na vûrûri wa Moabu nginya magîkinya mwena wa îrathîro wa Moabu îrîa yarî mwena ûcio wîngî wa rûnjî rwa Arinoni. Nîmaambire magema mao vau, nwatî matiaringa rûnjî rwa Arinoni nîûndû nîruo rwarî mûvaka wa Moabu.