Josh 11:9 - ÎVUKU RÎA ÛVORO MWARO

⁹ Joshua nîwamekire wata ûrîa aathîtwe nî Ngai-Mûnene. Nîwatemangire mîkiva ya magûrû ma mbarathi nîguo itîkaavote kûthiî na akîvîvia ikaari ciacio.

Josh 11:9 Referencias Cruzadas

Kîam 49:6

Ngoro yakwa, menyerera ndûkanyitanîre mîariorî yao ya nthitho wana ndûkathiî mîcemaniorî yao, nîûndû wa marakara mao nîmaaûragire andû, nîûndû wa ûmaramaru wao nîmaatwire ndegwa ithua.

2Sam 8:4

Daudi nîwamûcunire athigari ngiri îmwe na magana mûgwanja (1,700) arîa maathiîcaga matûîte mbarathi na athigari ngiri mîrongo îîrî (20,000) arîa maathiîcaga na magûrû. Nîwatigaririe mbarathi cia kwîgana cia gûkururia ikaari îgana rîmwe, agîcoka agîtemanga icio ciîngî mîkiva ya magûrû ma vuva igîtuîka cionje.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Nahumu 2:13

“Taroriani, Nie Ngai-Mûnene mwene vinya wonthe, nîngûrûa namue: nîngûvîvia ikaari icio cienyu cia mbarathi, athigari enyu nîmakaaûragîrwa mbaararî, na nîngoca indo cionthe irîa mwocire kuuma kûrî andû engî. Mûgambo wa anjaama enyu ndûkeguîka rîngî.”

Josh 11:6

Ngai-Mûnene nîwerire Joshua atîrî, “Ndûgetigîre nîûndû wao. Rûciû thaa ta ino nîngethîrwa mbûragîte athigari aya onthe nîûndû wa andû a Isiraeli. Nawe nîûgaatemanga mîkiva ya magûrû ma mbarathi nîguo iremwe nî kûthiî na ûcoke ûvîvie ikaari cia mbarathi.”