Josh 10:30 - ÎVUKU RÎA ÛVORO MWARO

³⁰ Ngai-Mûnene nîwavotithirie andû a Isiraeli kûvoota îtûûra rîa Libuna wa vamwe na mûthamaki warîo. Andû onthe arîa maarî îtûûrarî rîu nîmaaûragirwe na gûtirî mûndû watigarire. Nîmeekire mûthamaki wa Libuna wata ûrîa meekire mûthamaki wa Jeriko.

Josh 10:30 Referencias Cruzadas

2Atha 10:11

Kwoguo Jehu nîwaûragire andû acio engî onthe a nyomba ya Ahabu arîa maatûûraga Jezireeli, vamwe na ndungata ciake cionthe, arata ake a vakuvî na athînjîri-Ngai. Gûtirî wanarî ûmwe wao watigarire arî mwoyo.

Ndari 32:22

na mwoce vûrûri ûcio. Mwarîkia gwîka ûguo mûcoke, nîûndû nîmwîthîrwa mûrîkîtie wîra wenyu kûrî Ngai-Mûnene na kûrî andû a Isiraeli. Nake Ngai-Mûnene nîagetîkîra atî vûrûri ûyû ûrî mwena wa îrathîro wa rûnjî rwa Jorodani, nî wenyu.

Gûco 2:33

Nake Ngai-Mûnene, Ngai wetû nîwamûrekererie kûrî tue na tûkîmûraga; tûkîûraga avîcî ake vamwe na athigari ake onthe a mbaara.

Gûco 7:2

Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Josh 10:28

Joshua nîwatharîkîre îtûûra rîa Makeda na nîwarînyitire mûthenya ûcio. Nîwaûragire mûthamaki na andû onthe arîa maarî îtûûrarî rîu na gûtirî mûndû wana ûmwe watigirwe arî mwoyo. Eekire mûthamaki wa Makeda wata ûrîa eekire mûthamaki wa Jeriko.

Josh 10:29

Vuva wa ûguo, Joshua na athigari ake a mbaara nîmaaumire Makeda na makîthiî îtûûrarî rîa Libuna na makîrîtharîkîra.

Josh 10:31

Vuva wa kûvoota Libuna, Joshua na athigari ake a mbaara nîmaaumire kûu na makîthiî îtûûrarî rîa Lakishi. Nîmaarîthiûrûrûkîrie na makîrîtharîkîra.

Josh 11:12

Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.

Josh 12:15

Libuna, Adulamu,

Josh 8:24

Andû a Isiraeli nîmaaûragire nthû ciao cionthe irîa ciamarûmîrîrîtie nginya werûrî. Marîkia kûûraga acio, nîmaacokire makîthiî îtûûrarî rîa Ai na makîûraga andû onthe arîa maatigarîte kuo.

Josh 8:29

Nîwacokire agîcuria mûthamaki wa Ai mûtî îgûrû na mûthamaki agîkara vo nginya kîvwaî. Na riûa rîkîthûa Joshua nîwathanire mwîrî wa mûthamaki ûcurûrue kuuma mûtî îgûrû. Naguo nîwaikirue kîvingorî gîa îtûûra. Nîmaacokire magîûkunîkîra na mathiga mengî mûno. Mathiga mau marî vo nginya ûmûnthî.

Josh 9:3

Andû a Gibeoni nîmeguire ûrîa Joshua eekîte matûûra ma Jeriko na Ai