Josh 10:12 - ÎVUKU RÎA ÛVORO MWARO

¹² Mûthenya ûcio Ngai-Mûnene aavotithirie andû a Isiraeli kûvoota andû a Amori, Joshua nîwaririe na Ngai-Mûnene. Joshua arî mbere ya andû a Isiraeli nîwaugire atîrî, “Riûa, rûngama ki îgûrû rîa Gibeoni; nawe mweri rûngama ki Kîamndarî Kîam Aijaloni.”

Josh 10:12 Referencias Cruzadas

2Sam 2:12

Abineri mûvîcî wa Neri, na ndungata cia Ishiboshethu nîmaaumire Mahanaimu na makîthiî îtûûrarî rîa Gibeoni.

2Atha 20:10

Nake Hezekia nîwacokirie atîrî, “Nî ûndû mûvûthû kûracavia kîruru na mbere makinyo îkûmi! Tiga gîcoke vuva makinyo îkûmi.”

2Atha 20:11

Mûrathi Isaia nîwavoire Ngai-Mûnene, na Ngai-Mûnene nîwaracavirie kîruru na vuva makinyo îkûmi ngathîrî îrîa yatumîtwe nî mûthamaki Ahazi.

2Atha 20:9

Nake Isaia nîwacokirie atîrî, “Ngai-Mûnene nîagûkwonia kîrîa gîgaakûmenyithia atî nîakûvingia kîîranîro gîake. Ûngîenda kîruru kîracave na mbere makinyo îkûmi kana ûngîenda kîracave na vuva makinyo îkûmi?”

1Maû 8:13

Beria na Shema maarî atongoria a nyomba cia andû arîa matûûraga îtûûrarî rîa Aijaloni, na nîo maavinyûririe andû arîa maatûûraga îtûûrarî rîa Gathu.

2Maû 11:10

Zora, Aijaloni, na Heburoni. Matûûra mama maarî vûrûrirî wa Juda na wa Benjamini.

Ayubu 9:7

Athaga riûa rîtikaume, rîkarega kuuma, akunîkagîra njata ikarega kwara.

Thaburi 148:3

Mûkumieni mue riûa na mweri, mûkumieni mue njata cionthe irîa ikengaga.

Thaburi 19:4

kûnarî ûguo mûgambo wacio ûrî nthî yonthe, na nîwîguîkaga nginya mîthiia yonthe ya nthî. Ngai nîwaigire riûa îgûrû rîtûûrage kuo,

Thaburi 74:16

We nîwaûmbire mûthenya wana ûtukû; nîwaigire riûa vandû va rîo na ûkiga mweri vandû va guo.

Isaia 28:21

Ngai-Mûnene nîakaarûngama ta ûrîa aarûngamire arî Kîrîmarî gîa Perazimu, na arakare ta ûrîa aarakarire arî Kîamndarî gîa Gibeoni; nîageka ûndû ûtecîkene, nîakaaruta wîra wake wa kûgegania.

Isaia 38:8

Nîngaatûma kîruru Kîam ngathî îrîa yatumirwe nî mûthamaki Ahazi gîcoke na vuva makinyo îkûmi.” Nakîo kîruru nîgîacokire na vuva makinyo îkûmi.

Isaia 60:20

Riûa rîaku na mweri waku itikaathûa rîngî, nîûndû nie Ngai-Mûnene nînie ngethîrwa nîrî ûtheri waku tene na tene, nayo mîthenya yaku ya kîeva nîkaathira.

Jeremia 28:1

Mwaka wa ûcio, mweri wa gatano mwaka wa kana Zedekia arî mûthamaki wa Juda, Hanania mûvîcî wa Azuri, mûrathi kuuma îtûûra rîa Gibeoni, nîwaririe nanie nîrî hekarûrî, na mbere ya athînjîri-Ngai na andû onthe na akiuga atîrî,

Amosi 2:9

“Kûnarî ûguo, mue andû akwa, nînathiririe Aamori viû nîûndû wenyu, arîa maaracavîte ta mîtarakwe, na maarî na vinya ta mîtî ya mîvuru, na nînacûkangirie mvûa vamwe na mîri.

Amosi 8:9

Ngai-Mûnene arauga atîrî, Mûthenya ûcio nîngaatûma riûa rîthûe mûthenya, na ndûme kûgîe nduma.

Habakuku 2:20

Nwatî Ngai-Mûnene arî hekarûrî yake ntheru; nthî yonthe nî îkare îkirîte îrî mbere yake.

Habakuku 3:11

Riûa na mweri nîciarûngamire irî kûrîa ciîkaraga, rîrîa cionire ûtheri wa mîguî yaku îthiîte mûno, rîrîa cionire îtumû rîaku rîkîvenavenia.

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Gûco 17:3

na njîra ya kûgooca na gûtungatîra ngai ciîngî: riûa, mweri kana njata irîa ngananîtie,

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.

Josh 10:13

Riûa na mweri nîciarûngamire ki nginya rîrîa Aisiraeli maavootire nthû ciao. Ûvoro ûyû nîmwandîke îvukuurî rîa Jashari atî riûa nîrîarûngamire ki gatagatî ka îtu na rîtiathûa mûthenya ûcio wonthe.

Josh 19:42

Shalabini, Aijaloni, Ithila,

Josh 21:24

Aijaloni, na Gathirimoni. Maaverwe matûûra mau mana vamwe na kûndû gwa kûrîthia.

Atir 12:12

Nîwacokire agîkua na akîthikwa kûu Aijaloni vûrûrirî wa Zebuluni.

Atir 5:20

Njata nîciarûire irî îgûrû, nîciarûire na Sisera irî varîa ithiîcagîrîra.

1Sam 12:18

Kwoguo Samueli nîwavoire kûrî Ngai-Mûnene, nake Ngai-Mûnene akîrete ngûa na akiurithia mbura mûthenya wa ûcio. Nao andû onthe nîmeetigîre Ngai-Mûnene na Samueli

1Sam 14:31

Nao Aisiraeli nîmaarivire Afilisiti mûthenya ûcio marutîtie Mikimashi na magîkinya Aijaloni. Kavindarî kau, Aisiraeli marî athiru vinya mûno nîûndû wa kûvûta;