Josh 10:1 - ÎVUKU RÎA ÛVORO MWARO

¹ Adonizedeki mûthamaki wa Jerusalemu nîwegwire atî Joshua nîwacûkangîtie na agacunana îtûûra rîa Ai na nîwaûragîte mûthamaki wa îtûûra rîu. Ûguo nwa ta guo Joshua eekîte îtûûra rîa Jeriko na mûthamaki wa rîo. Adonizedeki mûthamaki wa Jerusalemu nwa weguîte atî Joshua nîmaarûthîte kîrîkanîro Kîam thayû na andû a Gibeoni na nîmaatûûranagia nao.

Josh 10:1 Referencias Cruzadas

Kîam 14:18

Nake Melikizedeki, ûrîa warî mûthamaki wa Salemu na nwake warî mûthînjîri-Ngai wa Ngai ûrîa ûrî Îgûrû Mûno, nîwavirîre Aburamu mîgate na ndivei.

Ahib 7:1

Melikizedeki aarî mûthamaki wa Salemu, na aarî mûthînjîri-Ngai wa Ngai Ûrîa ûrî îgûrû mûno. Rîrîa Iburahimu aaumaga mbaararî arîkia kûvoota athamaki arîa ana, Melikizedeki nîwamûtûngire na akîmûrathima.

Josh 10:3

Kwoguo Adonizedeki mûthamaki wa Jerusalemu nîwatûmire anjaama kûrî Hohamu mûthamaki wa Heburoni, Piranu mûthamaki wa Jarimuthi, Jafia mûthamaki wa Lakishi na kûrî Debiri mûthamaki wa Egiloni. Adonizedeki nîwaugire mathiî merwe atîrî,

Josh 6:21

Andû a Isiraeli nîmaaûragire andû onthe arîa maarî îtûûrarî arûme na aka, andû ethî wana arîa akûrû, ng'ombe, ng'ondu na mvunda. Maaûragire andû na nyamû icio na mviû.

Josh 8:2

Mûgeeka îtûûra rîa Ai vamwe na mûthamaki warîo wata ûrîa mwekire îtûûra rîa Jeriko na mûthamaki warîo. Nwatî vîndî îno nwa mwîigîre indo irîa mûgaatava kuo na nyamû cia kûrîthia. Îîvarîrie kûtharîkîra îtûûra rîu wa rîmwe kuuma na mwena wa vuva.”

Josh 8:21

Joshua na andû ake onthe mona atî athigari arîa marethithîte nîmanyita îtûûra na atî ndogo kuuma mwakirî ûrîa warîvîvagia îraunûkia îthiîte matuurî nîmaagarûrûkire na makîûraga andû a Ai.

Josh 9:3

Andû a Gibeoni nîmeguire ûrîa Joshua eekîte matûûra ma Jeriko na Ai