Josh 1:15 - ÎVUKU RÎA ÛVORO MWARO

¹⁵ nginya rîrîa megwatîre vûrûri ûrîa ûrî mwena wa îthûîro wa rûnjî rwa Jorodani. Vûrûri ûcio nîguo Ngai-Mûnene Ngai wenyu akûmava na marîkia kwîgwatîra vûrûri ûcio, namue nîmûgaacoka mûtûûre vûrûrirî ûrîa Musa ndungata ya Ngai aamûveere ûrîa ûrî mwena wa îrathîro rîa Jorodani ûtuîke wenyu.”

Josh 1:15 Referencias Cruzadas

1Akor 12:26

Kîîga kîmwe Kîam mwîrî gîkathînîka, ciîga icio ciîngî cionthe nîithînîkaga vamwe nakîo. Nakîo kîîga kîmwe Kîam mwîrî gîkavewa gîtîîo ciîga icio ciîngî cionthe nîikenaga vamwe nakîo.

1Akor 13:5

Wendani ndûrî rûng'athio na ndûcaragia tu wa ûrîa ûngîîguna. Wendani ndûrî marakara na ndûtaraga maûndû macûku marîa maanekwa.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Gûco 3:18

“Vîndî wa îo, nînaamwathire ngîmwîra atî, ‘Ngai-Mûnene, Ngai wenyu nîamûvete vûrûri ûyû ûrî mwena wa îrathîro ûtuîke wenyu. Andû onthe a mbaara nîmoce indo ciao cia mbaara, macoke mathiî marî mbere ya andû acio engî enyu a Isiraeli.

Gûco 3:20

Tethereriani Aisiraeli acio engî nginya matonye vûrûrirî ûrîa Ngai-Mûnene amavete, mwena wa îthûîro wa rûnjî rwa Jorodani, na matûûre kuo na thayû, wata ûrîa Ngai-Mûnene, Ngai wenyu akaamavotithia gûtûûra gûkû na thayû. Mwarîkia gwîka ûguo, nwa mûcoke gûkû vûrûrirî ûyû namûveere.’

Gûco 9:1

“Tathikîrîriani, mue andû a Isiraeli! Ûmûnthî mûrî vakuvî kûringa Jorodani mûkegwatîre mavûrûri manene na marî na vinya kûrî mue. Matûûra ma mavûrûri mau nî manene na nîmaairigîre na nthingo nginya matuurî.

Afil 2:4

Mûndû ndakaroragie vata wake tu, nwatî nî aroragie wana maavata ma andû arîa engî.

Josh 1:1

Vuva wa Musa ndungata ya Ngai-Mûnene gûkua, Ngai-Mûnene nîwerire Joshua mûvîcî wa Nuni, ûrîa watethagîrîria Musa

Josh 1:14

Aka enyu, ciana na ng'ombe cienyu nîciîkara gûkû. Nwatî andû enyu arîa mangîrûa, nîmoce indo ciao cia mbaara na maringe rûnjî rwa Jorodani nîguo magatethie Aisiraeli arîa engî,

Josh 1:16

Nao nîmaacokerie Joshua atîrî, “Ûrîa wonthe watwatha twîke nîtûgwîka na kûrîa kuonthe ûngîtûtûma nîtûkûthiî.

Josh 22:1

Joshua nîwacokire agîta andû a mûvîrîga wa Reubeni, Gadi, na Manase a mwena wa îrathîro vamwe.