File 1:9 - ÎVUKU RÎA ÛVORO MWARO

⁹ Nwatî vandû va ûguo nînîrakûthaitha nîûndû nîngwendete. Nie Paûlo nîreka ûguo wana ethîrwa rîu nîrî mûthuuri mûkûrû na rîu njovetwe njeera nîûndû wa Jesû Kristû.

File 1:9 Referencias Cruzadas

Thaburi 71:18

Rîu nîrî mûkûrû na nîrî na mbuî ndûkandiganîrie, we Ngai, îkaraga nanie nginya rîrîa ngaanîrîra vinya waku kûrî njiarwa cionthe irîa igaaûka.

Thaburi 71:9

Ndûkande rîu nîrî mûkûrû; ndûkandiganîrie rîu ndarî na vinya.

Nthi 16:31

Mbuî nîta nthûmbî ya riiri, îvecagwa mûndû ûrîa ûtûûrîte na njîra ya ûthingu.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 3:26

Muonthe mûrî ciana cia Ngai nîûndû wa kwîthîrwa mûrî ûrûmwe na Kristû na njîra ya wîtîkio.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

Aefeso 6:20

Nîrî mwarîrîria wa ûvoro mwaro, na nîreka ûguo rîu nîrî gûkû njeera. Mvoyagîrani nîguo mvunjagie ûvoro mwaro ndarî na guoya wata ûrîa mbagîrîrwe nî kwaria.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

Tito 2:2

Îraga athuuri arîa akûrû mekarage meîguîte, marî na mîtugo mîaro, andû mangîvota kwînyitia maûndûrî, na methagîrwe marî na wîtîkio wa ma, marî na wendo na ûmîrîru.

Ahib 13:19

Na nîngûmûthaitha mûno makîria mûvoyage nîguo Ngai andûme kûrî mue narua.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

Atir 21:22

Methe mao kana aa mûrwang'ina mangîûka kûmûnegenera, mûkaameera, ‘Twamûthaitha mûtwîtîkîrie twîkare nao nîûndû tûtiamocire nîguo matuîke aka etû tûrî mbaararî. Wana tîmue mwatûveere o, kwoguo mûtirî na mavîtia ma kuna kîîranîro kîenyu.’ ”