File 1:7 - ÎVUKU RÎA ÛVORO MWARO

⁷ Mûrû wa îthe wetû, wendo waku nîûtûmîte ngîe na gîkeno kînene na ûkanyûmîrîria mûno! We nîûcanjamûrîte ngoro cia andû onthe a Ngai.

File 1:7 Referencias Cruzadas

1Akor 16:18

Nîmatûmîte meciria makwa manogoke wa vamwe na menyu. Mue nîmwagîrîrwe nî kûthikagîrîria andû ta aya.

2Akor 7:13

Kîu nîkîo gîatûmire tûmîrîria. Wa vamwe na kûmîrîrua gwetû, nîtwakenire mûno twona ûrîa Tito aakenete nîûndû wa ûrîa muonthe mwatûmire oneke arî mwîganîru.

2Akor 7:4

Nie nînîmwîvokete mûno; nînîtîîaga mûno nîûndû wenyu. Nîrî na ûmîrîru mathînarî metû monthe na nîmbîcûrîtwe nî gîkeno kîngî.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 2:19

Mue nî mue mwîrîgîrîro wetû, gîkeno gîetû na nthûmbî îrîa tûgetîîa nayo rîrîa Mwathani wetû Jesû Kristû agaaûka.

1Ath 3:9

Rîu nîtûgûcokeria Ngai wetû ngatho nîûndû wenyu. Tûramûcokeria ngatho nîûndû wa gîkeno kîrîa tûrî nakîo tûrî mbere yake nîûndû wenyu.

2Tim 1:16

Mwathani aroîguîra andû a mûciî wa Onesiforo ntha, nîûndû aanatûma njokwe nî thayû mavinda meengî. Ke ndaanaconoka nîûndû atî nie naarî njeera,

File 1:20

Kwoguo mûrû wa îthe wetû mwende, wenda tu ndethia nîûndû wa Mwathani. Canjamûra ngoro yakwa, nîûndû we na nie nîtwîtîkîtie Kristû.

2Joh 1:4

Nie nînakenire mûno nona ciana imwe ciaku ikîrûmîrîra ûvoro wa ma wata ûrîa twathirwe nî Vava wetû.