Danieli 4:6 - ÎVUKU RÎA ÛVORO MWARO

⁶ Kwoguo nînathanire atî, andû onthe aûgî a Babuloni maindwe varî nie nîguo mandaûrîre kîroto kîu.

Danieli 4:6 Referencias Cruzadas

Ntha 7:11

Nake mûthamaki nîwetire andû ake arîa aûgî na aringi ciama. Nao nîmaaringire ciama wata Aroni.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 2:2

Mûthamaki nîwathanire Akalidei onthe arîa maarî aringi ciama, ooni maûndû, aragûri, na arogi, mathiî mamûtaûrîre kîroto kîu gîake. Kwoguo nîmaatonyire kwa Mûthamaki na makîrûgama mbere yake.

Danieli 2:48

Mûthamaki nîwacokire agîtua Danieli mûnene na akîmûva iveo nyîngî, na akîmûtua mûndû wa kwatha vûrûri wonthe wa Babuloni wana akîmûtua mûrûngamîrîri wa andû onthe arîa maataaraga mûthamaki.

Danieli 4:15

Nwatî tiga kîthukî na mîri ya kîo itigwe na kûu nthî ciovetwe na mûcivi wa cuuma na gîcango. Mûndû ûcio nîekarage kîthakarî akîrîcaga nyaki na akîrivaga îme ta nyamû cia kîthaka.

Danieli 5:11

Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.

Danieli 5:7

Nîwanîrîre na mûgambo mûnene akiuga aringi ciama, aragûri na andû arîa maarî na ûûgî wa njata mavirwe gwake. Rîrîa maakinyire, mûthamaki nîwamerire atîrî, “Mûndû ûrîa ûkûthoma mandîko mama, na ambîre ûrîa maugîte, nîagwîkîrwa nguo cia njambarawe, na acurue mûkathî wa thaavu ngingorî yake na ethîrwe arî wa kathatû ngathîrî ya wathani wa vûrûri.”