Danieli 4:1 - ÎVUKU RÎA ÛVORO MWARO

¹ Mûthamaki Nebukadinezarû nîwatûmire ndûmîrîri îno kûrî andû a iruka cionthe, mavûrûri monthe na andû a nthiomi cionthe arîa matûûraga nthî yonthe akîmeera atîrî, “Mûrogîa na thayû!

Danieli 4:1 Referencias Cruzadas

1Maû 12:18

Roho wa Ngai nîwacokire ûgîtonya kûrî Amasai mûnene wa athigari arîa njamba mîrongo îthatû na akiuga atîrî, “Daudi tue tûrî aku, tûrî nawe mûvîcî wa Jesse! Thayû ûrogîa kûrî we, thayû ûrogîa kûrî arîa magûtethagia! Nîûndû Ngai waku nîagûtethagia.” Daudi nîwacokire akîmagwata ûgeni na akîmatua anene a athigari ake a mbaara.

Ezira 4:17

Mûthamaki Aritakiserikise nîwandîkire macokio atîrî, “Kûrî mûnene Rehumu, na Shimushai ûrîa mwandîki wa vûrûri, na arata ao arîa matûûraga Samaria na mwena ûcio wîngî wa îthûîro wa Rûnjî rwa Farati, nînamûkethia.

Ezira 5:7

“Kûrî mûthamaki Dario, ûrogîa na thayû wathanirî waku.

Esita 3:12

Kwoguo mûthenya wa îkûmi na îthatû wa mweri wa mbere, Hamani nîwetire tûrani tuonthe twa mûthamaki na akîmera mandîke maarûa na nthiomi na mîandîkîre ya andû onthe vûrûrirî ûcio. Nîwaugire ivirîrwe arîrîria a vûrûri arîa anene, arîa anini, na andû arîa onthe mathanaga mavûrûrirî. Maarûa icio ciandîkîtwe vandûrî va mûthamaki Ahasuerusi na akîvûrwa mûvûri na gîcûvî gîake.

Esita 8:9

Maûndû mama mekîkire mûthenya wa mîrongo îîrî na ithatû mweri wa kathatû ûrîa wîtagwa Sivani. Moridekai nîwetire tûrani twa mûthamaki tuonthe na agîtwatha twandîke maarûa kûrî Ayahudi, arîrîria a thirikari, atongoria, na anene onthe a mavûrûri îgana rîa mîrongo îîrî na mûgwanja (127) kuuma India kûthiî Ethiopia. Maarûa nîciandîkirwe kûrî icunjî cionthe na nthiomi ciacio na mîandîkîre yao na igîcoka ikiandîkwa kûrî Ayahudi.

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Danieli 3:4

Nake mûnjaama wa mûthamaki nîwathiîre akîanagîrîra na mûgambo mûnene atîrî, “Andû a mavûrûri monthe, iruka cionthe na nthiomi cionthe!

Danieli 6:25

Nake mûthamaki Dario nîwandîkîîre andû a mavûrûri monthe, iruka, na andû a nthiomi cionthe arîa maatûûraga nthî yonthe akîmeera atîrî, “Mûrorathimwa!

Danieli 6:27

Nîke ûvonokagia andû na akamatethûra marî thînarî, aringaga ciama na akonania morirû, îgûrû wana gûkû nthî. Nîavonoketie Danieli kuuma ithuurî cia mînyambû.”

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Ciîko 2:6

Rîrîa meegwire mûgambo ûcio, andû eengî nîmaagomanire vamwe. Nao onthe nîmaamakire nîûndû wa mûndû nîweguire atûmwa makîaria na nthiomi cia kûrîa mûndû aumîte.

Aroma 1:7

Kwoguo nîramwandîkîra maarûa îno muonthe arîa mûtwîre Roma, mue arîa mwendetwe nî Ngai na mwîtîtwe mûtuîke andû ake. Wega na thayû wa Ngai Îthe wetû na wa Mwathani Jesû Kristû irogîa namue.

Aefeso 1:2

Mûrogîa na wega na thayû wa Ngai Vava wetû wana wa Mwathani Jesû Kristû.

1Tim 1:2

nîrandîka maarûa îno kûrî we Timotheo mwana wakwa wa ma wîtîkiorî: ûrogîa na wega, ntha na thayû kuuma kûrî Ngai îthe na kûrî Mwathani wetû Jesû Kristû.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.